Zu hian thatna reng reng a nei lova, mihring taksa tichhetu, pachhiatna thlentu, nunna suattu a ni, tih hi.
Zu (Ethanol) hian thinlian, mit liam, thin ro, pilh/lawng, ulcer a siam a, kal, lung, ril bawm (pancreas), nerve a khawih chhia a. TB, zun thlum, Bp sang, Pneumonia a awmtir thin.
Zu avanga thin tha lo a benvawn a awm tawh chuan kir leh ngaihna a awm tawh lo. Tam tak chu banding an tihin an ngaih a tha ringawt a, a damna a ni lo, internal bleeding venna mai a ni. Transplant hial a tul tawh thin, sawi aiin a rapthlak.
Mahni nunna chan ngam khawpa hmangaihtu i neih a ngai. Chutah pawh test 20 chuangah 1 lek pawha in inmil loh chuan a theih loh. Laina thisen zawmpui ngei ani tih document felfai tak in neih loh chuan YMA thisen inpek ang ngawt a ni lo. Heng zawng zawng piahah cheng nuai 25-40 i neih a, a pawimawh berah i lamah Pathian a tan a ngai bawk.
Zu in nasa tih hriatna - tha khur, mit eng pup, vun dum/thu, hriatrengna tha lo, uak, thin thip, ek mumal lo, Zu santen - i neih tawh phei chuan, nghei mai a tawk lo, Doctor tanpuina i mamawh tawh hle tihna a ni.
Tin, i hriat leh tur chi, Zu in mi 80% hian in hre lovin, WKS (Wernicle Korsakoff Syndrome) an vei. Chumi zinga 10%-20% chuan an thih pui. Cerebellar Ataxia vangin, Visual and hearing delusions an nei. Ramhuai an hmu duh a, an inrin tawk loh fo avangin an daw heh a, chhuan tur nei em em si lovin an chapo hle!! Khing buai duh suh, an thi têp tawh❗❗
Zu in ka sim duh lohna in a rah chhuah chu râpthlâk tak a ni. Ka thin chu paih vek a ngai a, ka fanu pawisawi lo pum chu an zai hawng duai mai a, a thin chu an phel a, min pe then ta❗
Ka fanu Lalrindiki @Mateii chuan ka tan a nunna a thâp mai a ni lo, min fuih mawlh mawlh zawk a ni. Amah paeh Wheelchaira ala awm laiin, nâ ti chung chungin min rawn kan a.
"Pa, a nat châng pawhin ti hian ka ngaihtuah thin a, kei chu a nat zual chângin Nurse kan ko va, Betadine tein min dressing sak a, nachhawkna tein min chiu mai a. *Lal Isua erawh kha chu, kan tan Kraws a a awm lai khan, tumah dressing tih saktu emaw nachhawkna petu a nei ve lo"* a tih chuan min vel a ni❗
He operation chhung zawng hian kan pafa thin te chu chawhtawlhah te an dah a❗Darkar tam tak chhung chu mitthi kan ni ber.
*Mitthi zinga mi tho leh meuhin ka hrilh che hi - ZU IN SIM MAI RAWH❗*
No comments:
Post a Comment
COMMENT RAWH