Er. Lalrinawma, MLA Mizo National Youth Front chuan, MZP in Mizoram ramri ven hna an thawk chu MNF thalaiin an thlawp tlat a, “Ramri venhimna kawngah leh ILP chungchangah sorkarin chak zawkin hma la rawh se” a ti.
Nimin chawhnu Aizawl Press Club-a Press mite kawmin, MNYF Preident chuan MZP duty-na hmun a tlawhthu sawiin, kan rama foreigner-te an duh duha an lo luh loh nan sorkar hian state level leh district level emaw, village level emaw committee din se, chutah chuan NGO hrang hrangte thawhpuiin, district/village level committee-te’n anmahni area/veng/khua theuhvah hnam dang mi lut tharte dap chhuah hna thawk se. Chung committee-te chu ILP thi tawh renew lo te, dân dik lova ILP pek chhuah te, NRC list-a chuang lo ILP nei te dap chhuah hna thawk thei turin sorkarin thuneihna pe se MNF |halai chuan kan duh a; tin, airport-ah check post dang hawn belhin, Mizoram luhka zawng zawngah CCTV te nen tangkawpa uluk lehzuala venhim hna kalpui turin sorkar kan phût a ni a ti.
Hei bakah hian sorkar hian ILP a pek chhuah danah khauh lehzualin hma la se kan duh a, Mizorama sumdawng turin Central emaw, State emaw Goods & Service Tax (GST) registration neih a ngai a, tuna kalpui danah chuan CGST hnuaia in-register turin non-tribal tan ILP phût a ni lo va, hei hi MNF |halai chuan tha kan ti lovin kan ngai thutak hle a, a ram neitu Mizo sumdawngte nêk ral theihna tur thil niin kan hria a, hemi chungchangah rang taka hma la turin sorkar kan phût a ni, a ti.
Hetianga non-tribal te ILP nei lo chung pawha Mizoram chhunga sumdawnga an awm thei ta nia lang hi kum 1986-a India leh MNF inremna thuthlung (Memorandum of Settlement) bawhchhiatnaah kan ngai a, hriatthiam harsa kan ti, Er.Lalrinawma MNYF President chuan a ti.
No comments:
Post a Comment
COMMENT RAWH