Burma tuilian ṭuar ṭanpui turin helho thawk chhuak

Tunlai kan chanchinthar tamtak luahtu chu khuarel chhiatna tuilian a ni leh tlat mai. South Asia leh South East Asia lama a hluar deuh ni berin a lang. Hman ni lawkah Kerala state nasa em emin a hrut a, nunna chan leh in leh lo tlansana awm tamtak an awm tih kan hre theuh ang. An tawrhna kha tuilen avanga tun hnai maia thil thlengah chuan a rapthlak berte zinga mi a tihtheih deuh thaw ang.

Myanmar lamah pawh tuilen avanga tuar an awm nual mai a, Karen, Mon, Bago leh Taninthayi region bakah hmun dang hrang hrangah an tuar ve bawk. Mi 10 velin nunna an chan a, mi 120000 chuang in leh lo tlansanin hmun him lama dah an ni. Thi zingah hian mipuite tanpui tuma theihtawp chhuah sipai 3 an tel bawk. He Myanmar ram khuarel chhiat tawh chungchangah hian hmun tamtak atang țanpuina an dawng a, a hmun ngeia kalchilh tamtak an awm.

Tanpuina pe ho zingah hian thil mak tak lo lang chu, Myanmar sipaite nena indo reng, politics thila ngaihdan in ang lo em em Hmar lam țangrual ralthuam kengte an rawn lang ve tlat. Politics kan thlir dan inan lohna chu dah tha phawt ila, mipui tan theihtawp chhuaha kan țanpui hi a țul a ni an tihmiah mai. Wa UWSA, Kachin KIA, MungLa NDAA, Shan SSPP, Ta'ang TNLA, Kokang MNDAA leh Rakhine AA ralthuam keng pawlte hian Myanma Kyats Nuai Sangli chuang( Rs-Nuai Zahnih chuang) an hlan tur thu UWSA leh Peace Commission thuneitu ten an sawi.

Mimal, pawl,company leh ramdang atang tanpuitu an nei nual bawk a, UN leh EU lam atang pawn tanpuina an dawn tur thu an puang tawh bawk a ni. Khuarel chhiat tawh chungchangah hian Myanmar mipuite hi an fakawm thei khawp mai. An neih an ui ngai lova, ei tur, in tur nei lo an awm takin tiin a chhehvelah a pui a pangin an chechhuak thin a ni. Damdawi zuar ten a thlawn vekin damdawi an pe a, damdawi in lamah pawh free veka enkawl an ni. Buhfai zuarin beg tamtak tak tlawmngaipawl kutah an hlan a. Thil zuar thenkhat ten hlawkna um zawnga tlan an awm ngai lova, an lo awm zeuh an hriat chuan vuak hlum mai pawh an pawisa leh lo lawi thung. A man ngai aia zuar to hi chu an awm ngai meuh lo a ni.

Tlawmngaihna hi an in zirtir hran lem lo va, mi țanpui thu ah hi chuan an fakawm thlawt a ni. Thih hnu piah lam an ngaihdan pawh hian a hril ve deuh bawk.

Author: Lalthan Mawia