Chakma student union te court ah khin hneh an ni.

Mizoram Chakma Student Union chuan PIL No. 49/2016 hmangin  Mizoram sawrkar chu khingin Aizawl Bench chuan ni 2.5.2018 khan an case a tih tawp sak a. Mizo kan lawm em em laiin leh Doctor admission pawh 78 lai ti felin thenkhat te chuan an zirna hmun pawh an pan tawh a. Lungmuang taka kan awm laiin ni 8.8.2018 khan Gauhati High Court, Guwahati lamah Appeal leh in Doctor admission tih hma bak seat tha (Central Pool etc) seat 30 chuang chu lo stay in chakma ti tha tak tak pasarihte tan nasa takin an bei a.

       Sawrkar pawh ngawi mai mai lovin MZP duh dan ngeiin mizo ngeiin he case Aizawl Bench a min hnehsaktu Pu JC Lalnunsanga, Advocate hi ding tura kan ngenna chu ngaipaimawhin ani hi Mizoram tana ding turin ni 19.08.2017 khan sawrkarin Nodal Officer, Technical Wing ami Pu Lalduhkima nen an tir a. Stay order chu Chief Justice hmaah Pu JC Lalnunsanga hian a dil nghal a. Vawi tam hearing a nih hnuah vawiin 28.8.2018 khan Chief Justice chuan ama order, ni 8.8.2018 ami, stay order chu amah vekin a sut leh ta hi zoram khawvela zo hnahthlak te tana ni chhinchhiah tlak a ni a. Zoram khawvela kan ngen tawh anga kan ukil Pu JC Lalnunsanga tana lo tawngtaipui tu zawng zawng te chungah lawmthu kan sawiin Pathian hnenah lawmthu kan sawi leh dawn nia.

        Heti hi chuan kum 2018 a Mizo MBBS/BDS tlingte chuan Central Pool seat an chang vek ang a. Chakma chuan an chang ve thei dawn ta lo mai bakah CAT-2 (Non-Zo Ethnic Category) ah dah an ni dawn tihna a ni.

Sd/-

(LALNUNMAWIA PAUTU)

General Secretary,MZP