Kuthnathawktute 7th Pay kan pe dawn a ni” by -Lalduhoma

No.B.01/2018-ZPM/PR/66
OFFICE OF THE ZORAM PEOPLES’ MOVEMENT
GENERAL HEADQUARTERS: AIZAWL: MIZORAM
Dated Aizawl, the 27th Aug., 2018.

PRESS RELEASE

ZPM chuan Kuthnathawktute 7th Pay kan pe dawn a ni”
-Lalduhoma   

Vawiin (Dt.27.8.2018) Thawhtanni hian Zoram Peoples’ Movement chhung inkhawm chu ZPM office-ah neih a ni a. He huna thusawitu ZPM Chief Ministerial Candidate Pu Lalduhoma chuan, “Mizoram sorkar-in a hnuaia thawktute 7th pay a pe dawn a, keini ZPM chuan kuthnathawktute hnenah 7th pay kan pe ve thung ang” a ti.

Pu Lalduhoma chuan Congress sorkar hmasain Silchar vai pakhat Sundar Ali a duhsak avangin kuthnathawktute thlai thar control-in rate hniam takin a siam sak a, sawhthing a lei a, a titawih a, a ngaihna an hre lo. State pawn a thlai tharte an duh duhin, zalen takin kan ramah an rawn chawlut a, a ram neituten kan thlai tharte state pawn lama hralhna tur a control leh si hi a lungchhiat thlak tak zet a ni a ti.

MNF an rawn sorkar ve a,  kan rama tharchhuah, kuthnathawktute zinga items 138 lai an rawn control leh a, Pudina leh bahkhawr thlengin Trade & Commerce Department atanga permit an neih loh chuan ram pawn a hralh min khap sak leh a.  1998-ah Hmeithai Association-in Kolkota-ah man man zawka hralhna an hmu a, an buaipui a, a hun laia kan sorkarin a puih duh loh avangin an beidawng a. Pu Lalchhanhima Sailo, CIPC President-in Sundar Ali-in a leina aia man to zawka hralhna a hmuh avangin Trade & Commerce department-ah sawhthing hralh phalna permit a dil a, an lo pe a,  mahse chawlhkar khat pawh sawhthing a lei hmain Trade and Commerce Director-in a permit cancel-na order a pe a, a lehkha-ah chuan, “Minister zahawm takin a duh danin i permit hi cancell a ni e” a ti a, hetih hun laia Minister chu Pu Aichhinga a ni Pu Duhoma chuan a ti.  “Chuvangin kan sorkar hrawn tawhte hi chu thlam bang chhak namthlak a bang thlang pin nana hman ang chauh an ni” Pu Lalduhoma chuan a ti bawk.

ZPM chhung inkhawm hi ZPM PAC member Dr. Lalbiakdiki HNamte in a kaihruai a ni.

( H. LALRINAWMA)

Secretary

Information & Publicity Department.

ZPM Gen. Headquarters, Aizawl.