NLUP SEM CHHUNZAWM ANG, HMATHLIR NEILO MNF AN SORKAR CHUAN DEVELOPMENT AN TI THUANAWP VEK DAWN' - Pu John Rotluangliana Minister

Food, Civil Supply & Consumer Affairs Minister, Pu John Rotluangliana chuan "kan sorkar chhungin NLUP kan sem chhunzawm ang" a ti.

Pu John Rotluangliana chuan a bialchhung Nalzawl khua a tlawhnaah thu sawiin, Congress sorkar hnuah Nalzawl khua chu nasa taka a danglam thu a sawi a. An khaw kawng pawh congress sorkar leh veleh siamthat a nih tur thu a sawi.
Pu Johna chuan "NLUP kan sem ang kan ti a kan sem a, kan sem chhunzawm tur court a min hek avangin a khaihlak deuh a, amaherawhchu, court in min stay loh avangin, kan sorkar chhung hian NLUP kan sem chhunzawm ang" a ti.

Minister chuan "He ram kaihruai tur hian kan hotuten a ngaihna an hria a, hmathlir neilo MNF an sorkar palh hlauh a nih chuan kan ram development kal mek te hi an ti thuanawp vek dawn a ni" a ti bawk.

" BJP chungchang sawiin Kristian nih leh BJP nih chu a inhmehlo" a ti bawk.

Author : Vanneihthanga Vanchhawng