Mizo Lal ropui Sailo Lal, Lal Beng khuaia thlan leh a vel samfaiin Thenzawl Veng thar Branch YMA te an hnaltlang.
Kum 1871 khan Assam, Cachar Tea Estate(Thingpui huan)a hnathawk James Winchester chu Lal Beng khuaia Pasaltha ten thatin, a fanu, Mary Winchester, Mizo in Zoluti kan tih chu an man a, Mizoramah hruaiin, kum 1872 kumtir khan Sap Sipai General Brownlow a hote chuan an hruaikir leh ta a ni. Hei hi Bristish in Lushai Hills, Mizoram a hmelhriat tak takna leh a awp bul tanna leh Kristianna lo luh chhan bulpui pakhata ngaih a ni.
Lal Bengkhuaia hi hemi hnu kum 1879 khan, tuna Thenzawl khaw lu, a Lalna Thenzawl khaw hlui ramah hian boralin, helai hmunah hian phum a ni a. A lungphun hi kum 2013 khan Thenzawl Joint YMA ten siam thain, a remchan angin an enkawl zui a, hnatlang ah hian member 40 chuang an thawk chhuak a ni.
No comments:
Post a Comment
COMMENT RAWH