Nimin 17 th August, 2018 Aizawl West I MNF Block, Block retreat, Youth Hostel, Luangmualah neih a ni a, he hun hi Dr R Lalthangliana, MNF vice president chuan a hmanpui.
Dr Thangtea chuan thusawiin, MNF chu Pathian leh ram tan, titu a nih angin Pathian dah hmasa ber turin kalkhawmte a chah a. "thahnem ngai tak si, Lalpa duh danin inthlan hi kan hmachhawn tur a ni" a ti.
Dr Thangtea chuan, "MNF sorkar khan development a kalpui nasa hle a. Congress-in Battalion khat pawh an lak theih loh laiin Police Batallion 4 kan la a, Aizawl Municipal Council kan din a, Education Bill kan pass a, zirlaite tan mid-day meal leh zirlaibu a thlawnin kan sem a. Aizawl - Lunglei World Bank Road kan lai tlang a, Ch Saprawnga Truck Terminal, Ch Chhunga Bus Terminal, Millenium Centre te kan sa a. Assam Rifle ram chhuh sakin New Capital Complex kan din a, MIMER din theihna tura infrastructure main building leh building dang 50 kan sa bawk a ni," a ti.
Bialtu MLA Pu K. Sangthuama pawhin thusawiin, "
Congress sorkar chu mipuiin an ning takzet tawh a, Pathian leh mipui zarah MNF-in sorkar-na kan chang ngeiin ka ring a ni," a ti a. An party mipuite chu thahnem ngai taka hna thawk turin a chah bawk.
He hun hi Pu Lalruatkima, MNF West I Block Vice President-in a kaihruai a, tlai lamah chawhlui an kilho nghal a ni.
No comments:
Post a Comment
COMMENT RAWH