MNF Vigilance Committe chuan Press Conference neiin MIMER-a thawk tur Staff Nurse bakah thawktu dang zawng zawng MPSC kut atanga laksak a ni chu thil fel tawklo kalpui tumna lian tak ni a an hriatthu an sawi.
Vawiin 30 august a Aizawl Press cluba thuthar lakhawm tute an kawmna ah MNF Vigilance Committee Secretary Pu David R. Lalsawmtluanga chuan Medical college MIMERS hna kalpui dan RTI hmanga an zawhna chhanna an hmuh atanga a landanin MIMERS-a thawk tur an lakna turah hian MPSC kut atanga MIMERS thuneitu thu thu-a kalpui an tum naah, a tling leh thiamte aia duhsak zawngte lak tumna kawng an hawng ni a an hriatthu a sawi a. Hei bakah hian College pakhat hotu, Contract-a rawih nawn leh, Director hi, thuneihna nasa lutuk pek a him loh thu sawiin; Health Minister nen hian engtianga thukin nge sam an inphiarzawm tih chu an zawhna a nih thu MNF Vigilance secretary chuan a sawi.
MIMERS dinna tura hnathawh turah Mizo mipuiten an thawh ve theih miah lohin Cheng vbc 189 lai mai hmanralna tur ruahmanna siam tur leh a hna pawh thawk nghal vek turin Hnamdang Firm pakhat ‘Hospital Services Consultancy Corporation Limited [HSCC (India) Ltd]’ chu Open tender pawh chhuah lovin an ruat niin MNF Vigilance Committee te chuan an sawi a, Cheng vbc 189 hmanralna tur ruahmanna siam manah engzatnge an pek tih leh Mizo aiin Hnamdang an duhsak zawk em ni tih chu an zawhna a ni a. MNF ten Cheng vbc 40 hmanga an hnathawh leh INC ten Cheng vbc 252 hmanga an hnathawhte Mizo mipui hma-a phochhuah an cho em tih chu an zawhna a ni bawk tih an sawi a ni.
No comments:
Post a Comment
COMMENT RAWH