BEL KEH PHUAR KHAWM ANG CONGRESS.

MNF President Pu Zoramthanga chuan, Congress party chu Belkeh phuarkhawm ang chauh an ni a, tui an pai thei tawh lo va,  Engtin tin emaw an inphuarkhawm a nih pawhin awmze neiin an inphuarkhawm leh thei tawh dawn lo a ni," a ti.

Nimin Tlangveng Community Hall, Sihphir-ah Sihphir MNF Group Conference neihah Congress atangin voter 165, ZNP atangin voter 5, ZPM atangin voter 1 leh neutral atangin voter 21, a vaiin voter 192 MNF-ah MNF President hian a lawmlut a ni.

Ex-CM Pu Zoramthanga chuan, " Heti taka Congress an chhiat chhan hi MNF-in kan beih thiam vang emaw a ni lo. Pathian pawi an sawi vang a ni. 'Zu zawrhah kohhran rawn ngai kan ti lo' an ti a, 'Kohhran tawngtai chhanna chu zu zawrh a ni' an ti a. Pathian leh Kohhran a an zah lo hle a ni," a ti.

Pu Rama chuan ZPM chungchang sawiin, " An MLA pakhat neih chhun MPC MLA chu candidate atan dah nawn an tum lo a, an tlem tawh nak alaiin an la lungrual lo hle a ni," tiin,  "An tlem conpensate nan hming ropui tak tak - Chief Ministerial Candidate tih te, Secretary General tih te nihna hming ropui tak tak an invuah a ni," a ti a. "Kan thenawm theuh kha en ula, an tlem tih kan hriat kha," a ti bawk.

He hun hi Pu Lalzarliana MNF Group President-in a kaihruai a. MNF Gen.Hqrs. atangin hruaitu engemawzat in an hmanpui a ni.

Source: Dingdi