Zuala Hnamte inti khan Khawzawlah MNF in mi 486 an lawm lut a rawn ti a.
Khi khi Zaingen veng YMA hall a ni a, Nimin Thawhtanni august 27, dar 11 ah lawmluhna hun hman a ni. Mipui hmaa an din tlar tir ho khi an lawmluh thar ho chu an ni a, mi 486 lawmlut nia insawi siin mi 30 vel lek an lawm lut leh lawi si hi hriatthiam a harsa a, MNF ni sa ngawih ngawihte pawh an la tel zui.
Kum 2013 inthlan dawn khan Khawzawl MNF khan mi sangriat chuang lawm lut angin an insawi kha a nia, Dr. H. Lallungmuana a rawn ding dawn bawk a, ani pa lar leh thuziakmi a lo ni a.
ZNP khan candidate an set har em em mai a, mi lar vak pawh ni lo pu Lalbiakzama an rawn vawrh ta a, vote a hmu tlem viau dawn nih hi ka lo ti a, MNF lamin mi sangriat vel lawm lut angin an insawi bawk si a.
Kum 2013 khan Tuichang Constituency ah elector enrolled zat hi
14986 a awm a, MNF in mi sangriat an lawm lut a nih chuan an huphurhawm dawn viauin ka lo ngai a. Mahse inthlan result a lo chhuak a.
Lalrinliana Sailo INC hian vote 6,258 hmu in 48.66 percentage a ni.
Dr. H. Lallungmuana MNF hian vote 3,273 hmuin vote hmuh zat percentage chu 25.45 a ni!
Mi sangriat an lawmlut bawk si a
Lalbiakzama ZNP hian vote 3,229 hmuin a percentage chu 25.11 a ni
Mi sangriat lawmlut anga inchhal MNF hian Candidate nei har em em mai leh pa lar vak pawh ni lo Lalbiakzama ZNP aiin vote 44 in an sang awrh chauh!
Mi sangriat lawmlut anga insawi khan vote 3,273 an hmu bawk sia!!! 🙈
Mahni inbum vak vak hi sim tawh se a lawmawm ngawt ang
No comments:
Post a Comment
COMMENT RAWH