LUNGLEI CMO HOVIN LUNGSEN-AH VILLAGE HEALTH AND SANITATION AND NUTRITION COMMITTEE THUKHAWM

Vawiin khan Lunglei Chief Medical Officer (CMO) Dr.Thani Pachuau chuan Lungsen tlawhin hriselna kawnga hmalak dan tur hrang hrang leh hmalak mekte Village Health and Sanitation and Nutrition Committee (VHSNC) member te nen an sawiho.

He hunah hian Dr. Thani Pachuau chuan thu sawiin, ' Hriselna kawngah mitin ten ngaihtuahna leh tha leh zung thawh se tih hi sawrkar ngaihdan a ni' tiin, 'Thianghlimna leh hriselna kawngah mipui kan thanharh a tul tawh hle a ni' a ti. Dr. Thani Pachuau chuan, 'Lungsen hi VHSNC anga kan hmalakna hmasa ber a ni a, chuvang chuan block dang entawn tlaka kan thawh a ngai a ni' a ti. Hriselna kan ngaihpawimawh deuh deuh a ngaih thu CMO chuan sawiin, ' Kan fai phawt chuan kan hrisel mai dawn a, kan in leh a vel vawnfai dan te, kan ran vulh dante hi kan enfiah a ngai hle a ni' a ti bawk.

Lungsen PHC hi June leh July thla khan malaria hrik pai hmuhchhuah san berna a nih avangin hetiang a hmalak a ni.

Source: DIPR