Aizawl West-II huam chhunga Congress Unit OB hrang hrang kalkhawm te chuan an biala Congress Party ticket a din tum Dr.Lalmalsawma Nghaka chu an duh lova, a aiah ADCC President Pu C.Lalngaihawma chu an duh zawk.
Hunrei tak atang tawh khan he bial hi Dr.Mala hian Unit/Block te duh vang pawh nilovin ama thu in a lo vil ve char char a. Chutihlaiin he bial chhunga awm Congress Party Unit awm zawng zawng te chuan MPYCC President hi an duh loh thu MPCC Nomination Committee Chairman leh President ni bawk Pu Lalthanhawla bulah an thehlut a ni.
Kum 2013 khan he bialhah Dr.Mala Congress Party ticket in a lo ding tawh a. MNF Ticket a ding, bialtu MLA ni mek bawk Pu Lalruatkima chu vote tam takin a lo hneh lo tawh anih kha. Tunah din nawn a tum leh a. Mahse kum 2013-a a lo hneh lo tawh Pu Ruatkima hi hnehzo dawn a an hriat loh avangin Aizawl West-II Block huam chhunga Congress Unit zawng zawng O.B kal khawmte chuan Pu C.Lalngaihawma ADCC President nimek chu an duhzawk thu Congress Nomination hnenah hian an thlen ta ani.
O.B te hian an lehkha ah chuan Pu Ngaihtea hian kum hnih kalta atanga an bial hi a vil tan thu leh ani hian an bial a rawn vil hnu atanga an bialah Congress in hma an sawn nasat zia te, mithar tam tak an lawmluh phah thute an lehkha ah hian an ziak lang a. An bial hrechiangtu anih thu leh an mamawh engkim hre vek tu a nih thu an tarlang tel bawk. Pu Ngaihtea hi Aizawl West-II bial chhunga dintir ngei turin an ngen a ni.
He bial hi Congress tan Bial sakei a ni kan ti thin a. Bialtu MLA Pu Ruatkima, bial chhung mite Idol chu chuti maia khin tlak theih aniin an hre lova. Amah khing zo ber tura an ngaih Pu C.Lalngaihawma chu unit hrang hrang kalkhawmte hian an dil ta rawih ani. Hetihlai hian an party mi leh sa ten an duh lo chung pawhin Dr.Mala hian he bial hi a vil lui tlat a. A hausakna, Hqrs a hotute duhsakna dawn ngei a in beisei a. Hqrs lam pawh hian Dr.Mala hi an duhsak hle am candidate ah pawh an dah ngei a rinawm.
Chutihlaiin a dinna tur bial mipuiten amah lo midang an duh a. Hei hi haider luiin Congress Nomination Committee chuan Dr. Mala hi dah luih tho an tum thung.
No comments:
Post a Comment
COMMENT RAWH