Ex-Servicemen ten sorkar nawr

Mizoram pum huapa Sipai bang Ex-Servicemen te chuan District hrang hrangah a rual a Sawrkar nawrna tihlan nise an tih angin, vawiin chawhma Dar 11 atanga tanin Champhai sub-hqrs Mizoram ex service league in sorkar laka an lungawilohna lan tirin kawng an zawh a. Champhai Vengsang Biak In bul atang a țanin Bethel kawn thleng kawng hi an zawh a. Kawngzawh bul ṭanna Vengsang Biak In tual Dawrkaikawn, Darthangvunga Traffic Point, DK Traffic Point, Vanbawia Tual leh Bethel Kawnah te Mizoram Ex-Service League Sub Hqrs, Champhai hruaitu ten thu an sawi.

Tukin khan Lawngtlai District chhunga Ex-Servicemen te chuan Lawngtlai Chandmary Square atanga Areopagy Lawngtlai Bazar thleng kawng an zawh a, DC Office chhehvel  bak ah hmun remchang laiah Sawrkara an thilphut tihlanna thuziak an tar bawk. Ex-Servicemen ten Sawrkara an thilphut an tarlan dan chuan

1. Sawrkar hna Group C,Za zela 10 leh Group D, Za zela 20 Ex-Servicement tana Central Sawrkarin a dah,
   
2. kum 1979 a thuchhuah a lo siam tawh angin, Mizoramah pawh hman ve ni rawh se tih te,
   
3. Property Tax Central sawrkarin Sipai bangte awl tura a tih chu Mizoram ah hman ve ni rawh se tihte,
   
4. 2nd Assam Regiment disband te,an lawmman tipung tura kum 2017 a Sawrkarin a tiam tawh chu tihhlawhtlin ngei ni rawh se tih leh
   
5. Mizoram Home Guard hi Ex-Servicemen te din a nih angin, Command General Post hi Department dangah dah loh ni rawh se, tih bakah
   
6. Indopui pahnihna a Veteran lawmman tihpun tura Kum 2017 RSB Meetinga Governor leh Chief Minister in thu an tiam chu tihhlawhtlin ngei ni rawh se

tihte a ni.

Lawngtlaiah hian Ex-Servicemen hi tun dinhmunah an tu leh fate leh an nupui te nen member hi 42 vel an awm mek a ni.

( PTC Champhai, Lawngtlai)