PRISM Party chuan nimin khan Aizawl khawpuiah street campaign tanin, "
Eiru kan man dawn," tiin an tlangau.
"Kan ram hmasawnnan sorkarin hma a la thin a. Mahse chung hmalakna tur chu mi thenkhatin an eiruk thin avangin a hlawhchham thin a. Heng hmasawnna daltu eiruk hmang te hi kan man dawn a. Chief Minister hlui pawh nise a tul anih chuan lunginah kan khung mai dawn a ni" President Pu Vanlalruata chuan a ti.
Pu Ruata chuan Chanmari kawnah thu sawiin,
"Kan ram hmasawnna kal chak theih loh chhan hi kan inrelbawl dan fuh loh vang a ni a. Sorkar hian budget atanga 90% deuhthaw hlawh leh inrelbawlnaah a hmang a. Hei hi 60 % velah tihtlak theih a nih avangin keini chuan mipui tan sum tam zawk kan hmang dawn a. Sorkar sum thawhchhuah tipung turin insurance company kan din dawn a. Ram hausaah Mizoram hi kan siam dawn a ni," a ti.
Zemabawk, Thuampui, Bawngkawn, Ramhlun North, Chanmari leh Bazarpuiah hmun 12 ah campaign hi neih niin MLA candidate tura puan chian tawh pali - B Vanlalhruaia, Lalrinzuala Chawngthu, RL Liantluanga leh SL Ngursailova Sailo ten thu an sawi bawk.
Author:
Vanneihthanga Vanchhawng
No comments:
Post a Comment
COMMENT RAWH