Kum 2005 Champions League final a ni a, minute 45 a ral meuh chuan Liverpool chuan si thum an phur fel der tawh! Istanbul-a inkhel chuan Liverpool khawpui a ngawihtir chiang kher mai.
Champions League nomawi chuan Milan khawpui lam a pan mai dawn emaw tih lai chuan captain Steven Gerrard-a leh a pawlte chuan mawngkaw tha nen an han bei let ve ta a, hun a tawp meuh chun 3-3 a ni der mai. Chutah penalty shoot-out neih a ni a, champion nomawi chawitu chu beidawn tum lo Liverpool FC an ni.
He Istanbul khawpuia thil thleng chungchang hi a sawinaah Steven Gerrard chuan heti hian a tarlang: “Anni chu (anmahni tantute) ka tibeidawng tawh a, kei pawh ka beidawng tawh a ni tih ka hria. Minute 45 a ral tawh a, kan ngam lohna chu nasa tak a ni.
"Ka huphurh ber chu minute 45 dang khel leh tura khelmual kan pan laia kan fan-te thinrim au thawm leh an lungngai rum ri hriat a ni. Mahse, beidawng taka khelmual kan pan lai chuan khawvela ka benga ri ring ber leh mawi ber ni tura ‘You’ll Never Walk Alone’ tih hla an sa rual thup thup ri ka hriat chuan dan rual lohvin he thinlung hi a tuiral nghal a ni. Kha hla ngei kha Champion min
nihtirtu chu a ni.”
“When you walk through a storm
Hold your head up high…”
(Thlipui hrang kara i kawng a bo chuan/ Zam lovin kal zel la…)
------------------------------
Kum 1940 a ni a, indopui pahnihna a intan atangin kum khat em pawh a la tling lo. Silai zen rim leh na tuar au thawmte chuan Europe leh khawvel hmun hrang hrangte a tuam muih mai a. Europe ram chu dawrip takin a dingdihlip chawih chawih a ni ber.
Hitler-a leh a tanpuite hmaah chuan Europe ram tangrualte an tlusawp lek lek tawh a, an vaia mit fukna ber chu la tang mar hram hram, England leh a ram awp bangnawiahte chuan an ni.
England hmar lama Mersey lui leh Irish tuipuiten an laitat Liverpool khua pawh chu he indopuiin a khawih hmelhem nasat ber pawl a ni ve a. London tih lohvah chuan Nazi-ho (Hitler-a pawl) ten an bomb chhiat nasat ber a ni. Kum 20 dawn lai a liam hnuah pawh he ser rapthlak tak mai indopuiin a hnutchhiah hi hmuh tur a la awm a ni. Chutah Liverpool khua vanduaina chu a intan chho dawn chauh a ni si a; Manchester khua-a lawngchawlhna lian lutuk mai ‘Manchester Ship Canal’ a rawn awm hnu chuan America leh khawvel hmun hrang hrang atanga lo kal lawngte chuan indopuiin a tihchhiat, Liverpool lawngchawlhna ropui tak chu an kal pel ta zut zut mai a.
Tun hmaa Kumpinu lalrama khawpui
ropui ber pahnihna ti hiala an sawi thin leh khawvela lawngchawlhna lian neitu ni thin, Liverpool khua chu a mi chengten an rauhsan lek lek tawh a ni ber. A khaw mipui chanve dawn lai chu London khawpui leh US lamahte an pem dur dur a, chu hun chu Liverpool khawpui tana mittui a far ni chu a ni.
“… At the end of the storm
Is a golden sky…”
(… Thlipui ngawih hnu chuan
Van thiang a lo lang thin..)
Ni, chhum dum chhah muih mai chunglamah chuan ni zung mawi tak a zam thin ang bawk hian harsatna leh lungngaihna tuifawn piah lamah pawh hian chawlhna hmun nuam tak a lo awm leh thin.
Kum 1960 a ni a, kum 47 mi, William Shankly chuan hniam lam pana kal mek club, English Division Two-a khel mek, Liverpool FC chu enkawl turin thutlukna a siam a. Hna hautak tak thawk tur a ni tih inhriain a hmasa berah a player 24 lai chu a han ban (release) phawt mai a; chumi zawhah ‘Liverpool Boot Room’ an tih mai, coach-ho ten inkhel strategy an zirho theihna tur hmun chu a siam bawk a. Chutih lai vek chuan Liverpool rawlthar pali-te chuan an band hming ‘Silver Beatles’ tih chu ‘The Beatles’ tiin an lo thlak ve bawk a. He hmun hian khawvel history a la tidanglam dawn tih reng an la hre bik lo.
Kum 1963 a inher chhuah meuh chuan kaihza thlepa thutung tawh Liverpool FC chu a tho chhuak ta nge nge a, Shankly chuan England-a league sang berah a kaipui a ni mai lo va, champion lawmman it ngam khawpin a siam der tawh. Chutiang bawkin ‘The Beatles’ pawhin chart-ah hla lar (hit) tak tak an nei ta thluah mai a. Anni band bakah hian Liverpool-in duat taka a enkawl ‘Gerry And The Pacemakers’ band an nei
ve bawk a. Khawvel dengchhuak zo erawh an la ni lem lo.
1950 chho vela chhum dum lo langte chu an kiang ta a, Anfield stadium-ah chuan kar tin maiin mipui an tlim hmur reng tawh a. Anfield-a an stand pakhat, Liverpool FC fans ruhkawlte thutna thin, South Africa-a tlang pakhat ‘The Spion Kop’, kum 1900 Boer War-a Liverpool mi leh sa tam tak an lo thih tawhna hmun, hming chawia an phuah chu a awm a. He stand-ah (cement-a zut mam pawrh, chair dah loh) hian mipui 30,000 lai lengin khawvela stand lian ber a ni reng a ni.
Hetih hun lai hi chuan internet atanga inkhel ticket lo lei lawk ang kha a la awm ve si lo va, Liverpool FC tantute chu hma taka kalin, vaivut khu rum rum karah stadium pawnah chuan an intlar thup tawh thin a ni. Heng mipuite lo awm tlei tur hian Liverpool khaw band lar ber berte chuan an hla lar ber berte chu an lo sa ve bawk a.
November tlai boruak chu a vawt vin
tuk mai a, The Reds te khelmual chhunga an lo luh hun nghaka mipui an rik nuai nuai lai chuan KOP stand lampanga awm mipuite chu hla pa-khat sa-in an rawn zai rual dual dual a. Hmun danga thute chuan chu chu hriain an rawn zawm ve nghal a. An hla sak chu eng hla dang mah ni lovin “You’ll Never Walk Alone” tih ngei mai kha a ni. Anni chuan an khaw mi leh sa Gerry Merdsen-a No.1 Hit pathumna chu an lo zawm ve niin. Gerry chuan chu hla thluk lungkuai zet mai chu American rimawi a\anga a lak niin, Mersey-beat (tuna Beat Music genre tia kan hriat lar tak) fashion-a a lo sak tawh ngei mai kha a ni.
Chumi ni-a mipuiten lung rual tak leh
thinlung taka an sak hla chuan hotu lam beng a thleng thuai a, a hnu zelah pawh chu hla chu Anfield-a inkhel a awm apiangin an zaitir ta tlut tlut mai a. Tun thlengin zai tawptir an phal ta lo!
Season a tawp a, kum 1964 kum laihawi a rawn inher chhuah meuh chuan, kum 3 liam taa Division Two khel thin Liverpool club chu England champion an ni ta der mai! He thawnthu ngaihnawm hian Europe mai bakah khawvel hmun hrang hrang a deng nghawr chiang hle a, Liverpool FC hre lo nih chu thil zahthlak tawp a ni ta reng mai.
Kum a vei a, hun a kal zel a, chawimawina leh nopui ropui leh mawi tak takte chuan Anfield Trophy dahna pindan chu a rawn tichep tual tual a. The KOP terrace (thutna hmun) a mipui au thawm leh zai ri te, an puan vaite leh an thil siam mawi tak takte leh an fiamthute chuan chu hmun chu khawvela hmun hmingthang ber pawlah a siam ta!
Europe khawmualpuia stadium tam takte chuan “KOP” hming chu an hawh ta zauh zauhva, club thenkhat phei chuan an hlapui “You’ll Never Walk Alone” chu an hlapui atan an hmang zui ve ta bawk a. Mahse, KOP thinlunga zung a kaihna thuk tak ang erawh an nei ve lo thung. Liverpool club a hniam lai ber te, Hillsborough chhiatna rapthlak tak a thlen lai te, Istanbul-a lawmna mittui a sur laite pawhin he hla hian an thinlung a luah thin a, hmangaih leh duat takin englai pawhin an kuangkuah reng thin a ni.
April ni 15, 1989 a ni a, Liverpool FC chu FA Cup semi-final khel turin an inpet tling leh ta! An hmangaih club tan turin an fan-te chuan Sheffield khawpui an pan laih laih a, an hlim ngang mai. Mahse chu’ng fans sang tam tak zinga mi 96 erawh chu an rawn kir leh a rem ta lo! He Hillsborough chhiatna rapthlak takah hian English mipui zawng zawng deuhthaw chuan Liverpool tantu mipuite chu dem rawn mahse, Liverpool khawpui erawh mi inlungrual tangkhawmte chenna a la ni fan a, football avanga tuartu mi 96
te thlarau chu hmangaihna mittui nen an thlah liam ta a ni.
He chhiatna rapthlak a thlen hnua Liverpool inkhel hmasa ber, Celtic FC nena friendly match an khelh ni chuan “YNWA” hla chu stadium chhunga mipui awm zawng zawngte chuan inlungrual takin an sa rual thup thup a, khawvel chhuahsan ta an unau mi 96 te awmna hmun chu an aw mawi thangkhawk ri hriat phaka hnai ni se zawng, kuangkuaha thlamuan turin an rawn chhuk ngei ang le!
Chutiang bawkin FA Cup Final Wembley khelmuala Everton leh Liverpool ten an khelh hmain club pahnihte chuan an inhmelmakna zawng zawngte dah thain,mipui 90,000 laite chuan YNWA hla chu an sa rual thup thup a, khawvel chu football aia ropui he hmunah hian a awm a ni tih an hriattir a ni ber.
May ni 25, 2005 a ni a, Liverpool chu
Champions League final inpet kai thei mahse kum 15 dawn lai hmun hniam takah an lo awm tawh a ni. Mahse Istanbul khawpuia minute 45 hmasa erawh he leia thil thleng tura an duh loh ber a ni ngei ang. Liverpool chuan si thum an phur der mai. Stadium chu thlan leh mittui rimin a tuam a ni ber a, Liverpool khawpui lama TV atanga lo entute thawm pawh beng tha tak tan lo chuan hriat fiah tham a ni tawh lo.
‘Tichuan le, hmuhsitna leh deusawhna dawn inbeisei taka khelmual chhunga rawn let leh Liverpool player-te chuan an beisei ngam loh rimawi an hre ta! Eng dang a ni lo, he hla bawk hi a ni:
“… Walk on, walk on
With hope in your heart
And you will never walk alone…”
(Kal zel la, kal zel la
Thinlunga beiseina paiin
‘Tichuan malin I kal lo vang) tih hi.
A bak zawng chu thawnthu bu ngaihnawm tak ni thei thil a ni tawh. Liverpool chuan an si phurh zawng zawng sutin penalty shooutout-a chakin an thlakhlelh em em European lallukhum chu an khum ta! Hun harsaah chak lo tak chungin an kal zel a, mittui leh thlan tuite chu lo far thin mah se an kal zel a, a tawpah chuan malin an kal ta lo.
Kha November 1963-a tlai chhinchhiahtlak takah khan football khawvela hlapui ropui ber “You’ll Never Walk Alone” chuan nunna a rawn nei ve tan a, a rimawi thangkhaw ri chuan khawvel ral hma lohvin mawi lam a pan zual zel ang. He hla lungkuai tak mai hi 1960-a Pop hla lar pakhat ang leh Liverpool hla pakhat ang leka i lo ngai a nih chuan he hla nihna dik tak hi i hre thelh chiang hle tihna a ni. He hla hi khawpui pakhat thawnthua a changtu pawimawh tak a ni a, lungngaih leh retheih lai, thlaphan leh mangan lai, ropui leh mawi ber lai pawha KOP te zinkawng zawhpui thintu a ni a, hnehna hla do thil tithei tak a ni
Champions League nomawi chuan Milan khawpui lam a pan mai dawn emaw tih lai chuan captain Steven Gerrard-a leh a pawlte chuan mawngkaw tha nen an han bei let ve ta a, hun a tawp meuh chun 3-3 a ni der mai. Chutah penalty shoot-out neih a ni a, champion nomawi chawitu chu beidawn tum lo Liverpool FC an ni.
He Istanbul khawpuia thil thleng chungchang hi a sawinaah Steven Gerrard chuan heti hian a tarlang: “Anni chu (anmahni tantute) ka tibeidawng tawh a, kei pawh ka beidawng tawh a ni tih ka hria. Minute 45 a ral tawh a, kan ngam lohna chu nasa tak a ni.
I blog link kha titawi la, pawisa hlawh rawh.
"Ka huphurh ber chu minute 45 dang khel leh tura khelmual kan pan laia kan fan-te thinrim au thawm leh an lungngai rum ri hriat a ni. Mahse, beidawng taka khelmual kan pan lai chuan khawvela ka benga ri ring ber leh mawi ber ni tura ‘You’ll Never Walk Alone’ tih hla an sa rual thup thup ri ka hriat chuan dan rual lohvin he thinlung hi a tuiral nghal a ni. Kha hla ngei kha Champion min
nihtirtu chu a ni.”
“When you walk through a storm
Hold your head up high…”
(Thlipui hrang kara i kawng a bo chuan/ Zam lovin kal zel la…)
------------------------------
Kum 1940 a ni a, indopui pahnihna a intan atangin kum khat em pawh a la tling lo. Silai zen rim leh na tuar au thawmte chuan Europe leh khawvel hmun hrang hrangte a tuam muih mai a. Europe ram chu dawrip takin a dingdihlip chawih chawih a ni ber.
Hitler-a leh a tanpuite hmaah chuan Europe ram tangrualte an tlusawp lek lek tawh a, an vaia mit fukna ber chu la tang mar hram hram, England leh a ram awp bangnawiahte chuan an ni.
England hmar lama Mersey lui leh Irish tuipuiten an laitat Liverpool khua pawh chu he indopuiin a khawih hmelhem nasat ber pawl a ni ve a. London tih lohvah chuan Nazi-ho (Hitler-a pawl) ten an bomb chhiat nasat ber a ni. Kum 20 dawn lai a liam hnuah pawh he ser rapthlak tak mai indopuiin a hnutchhiah hi hmuh tur a la awm a ni. Chutah Liverpool khua vanduaina chu a intan chho dawn chauh a ni si a; Manchester khua-a lawngchawlhna lian lutuk mai ‘Manchester Ship Canal’ a rawn awm hnu chuan America leh khawvel hmun hrang hrang atanga lo kal lawngte chuan indopuiin a tihchhiat, Liverpool lawngchawlhna ropui tak chu an kal pel ta zut zut mai a.
Tun hmaa Kumpinu lalrama khawpui
ropui ber pahnihna ti hiala an sawi thin leh khawvela lawngchawlhna lian neitu ni thin, Liverpool khua chu a mi chengten an rauhsan lek lek tawh a ni ber. A khaw mipui chanve dawn lai chu London khawpui leh US lamahte an pem dur dur a, chu hun chu Liverpool khawpui tana mittui a far ni chu a ni.
“… At the end of the storm
Is a golden sky…”
(… Thlipui ngawih hnu chuan
Van thiang a lo lang thin..)
Ni, chhum dum chhah muih mai chunglamah chuan ni zung mawi tak a zam thin ang bawk hian harsatna leh lungngaihna tuifawn piah lamah pawh hian chawlhna hmun nuam tak a lo awm leh thin.
Kum 1960 a ni a, kum 47 mi, William Shankly chuan hniam lam pana kal mek club, English Division Two-a khel mek, Liverpool FC chu enkawl turin thutlukna a siam a. Hna hautak tak thawk tur a ni tih inhriain a hmasa berah a player 24 lai chu a han ban (release) phawt mai a; chumi zawhah ‘Liverpool Boot Room’ an tih mai, coach-ho ten inkhel strategy an zirho theihna tur hmun chu a siam bawk a. Chutih lai vek chuan Liverpool rawlthar pali-te chuan an band hming ‘Silver Beatles’ tih chu ‘The Beatles’ tiin an lo thlak ve bawk a. He hmun hian khawvel history a la tidanglam dawn tih reng an la hre bik lo.
Kum 1963 a inher chhuah meuh chuan kaihza thlepa thutung tawh Liverpool FC chu a tho chhuak ta nge nge a, Shankly chuan England-a league sang berah a kaipui a ni mai lo va, champion lawmman it ngam khawpin a siam der tawh. Chutiang bawkin ‘The Beatles’ pawhin chart-ah hla lar (hit) tak tak an nei ta thluah mai a. Anni band bakah hian Liverpool-in duat taka a enkawl ‘Gerry And The Pacemakers’ band an nei
ve bawk a. Khawvel dengchhuak zo erawh an la ni lem lo.
I blog link kha titawi la, pawisa hlawh rawh.
1950 chho vela chhum dum lo langte chu an kiang ta a, Anfield stadium-ah chuan kar tin maiin mipui an tlim hmur reng tawh a. Anfield-a an stand pakhat, Liverpool FC fans ruhkawlte thutna thin, South Africa-a tlang pakhat ‘The Spion Kop’, kum 1900 Boer War-a Liverpool mi leh sa tam tak an lo thih tawhna hmun, hming chawia an phuah chu a awm a. He stand-ah (cement-a zut mam pawrh, chair dah loh) hian mipui 30,000 lai lengin khawvela stand lian ber a ni reng a ni.
Hetih hun lai hi chuan internet atanga inkhel ticket lo lei lawk ang kha a la awm ve si lo va, Liverpool FC tantute chu hma taka kalin, vaivut khu rum rum karah stadium pawnah chuan an intlar thup tawh thin a ni. Heng mipuite lo awm tlei tur hian Liverpool khaw band lar ber berte chuan an hla lar ber berte chu an lo sa ve bawk a.
November tlai boruak chu a vawt vin
tuk mai a, The Reds te khelmual chhunga an lo luh hun nghaka mipui an rik nuai nuai lai chuan KOP stand lampanga awm mipuite chu hla pa-khat sa-in an rawn zai rual dual dual a. Hmun danga thute chuan chu chu hriain an rawn zawm ve nghal a. An hla sak chu eng hla dang mah ni lovin “You’ll Never Walk Alone” tih ngei mai kha a ni. Anni chuan an khaw mi leh sa Gerry Merdsen-a No.1 Hit pathumna chu an lo zawm ve niin. Gerry chuan chu hla thluk lungkuai zet mai chu American rimawi a\anga a lak niin, Mersey-beat (tuna Beat Music genre tia kan hriat lar tak) fashion-a a lo sak tawh ngei mai kha a ni.
Chumi ni-a mipuiten lung rual tak leh
thinlung taka an sak hla chuan hotu lam beng a thleng thuai a, a hnu zelah pawh chu hla chu Anfield-a inkhel a awm apiangin an zaitir ta tlut tlut mai a. Tun thlengin zai tawptir an phal ta lo!
Season a tawp a, kum 1964 kum laihawi a rawn inher chhuah meuh chuan, kum 3 liam taa Division Two khel thin Liverpool club chu England champion an ni ta der mai! He thawnthu ngaihnawm hian Europe mai bakah khawvel hmun hrang hrang a deng nghawr chiang hle a, Liverpool FC hre lo nih chu thil zahthlak tawp a ni ta reng mai.
Kum a vei a, hun a kal zel a, chawimawina leh nopui ropui leh mawi tak takte chuan Anfield Trophy dahna pindan chu a rawn tichep tual tual a. The KOP terrace (thutna hmun) a mipui au thawm leh zai ri te, an puan vaite leh an thil siam mawi tak takte leh an fiamthute chuan chu hmun chu khawvela hmun hmingthang ber pawlah a siam ta!
Europe khawmualpuia stadium tam takte chuan “KOP” hming chu an hawh ta zauh zauhva, club thenkhat phei chuan an hlapui “You’ll Never Walk Alone” chu an hlapui atan an hmang zui ve ta bawk a. Mahse, KOP thinlunga zung a kaihna thuk tak ang erawh an nei ve lo thung. Liverpool club a hniam lai ber te, Hillsborough chhiatna rapthlak tak a thlen lai te, Istanbul-a lawmna mittui a sur laite pawhin he hla hian an thinlung a luah thin a, hmangaih leh duat takin englai pawhin an kuangkuah reng thin a ni.
April ni 15, 1989 a ni a, Liverpool FC chu FA Cup semi-final khel turin an inpet tling leh ta! An hmangaih club tan turin an fan-te chuan Sheffield khawpui an pan laih laih a, an hlim ngang mai. Mahse chu’ng fans sang tam tak zinga mi 96 erawh chu an rawn kir leh a rem ta lo! He Hillsborough chhiatna rapthlak takah hian English mipui zawng zawng deuhthaw chuan Liverpool tantu mipuite chu dem rawn mahse, Liverpool khawpui erawh mi inlungrual tangkhawmte chenna a la ni fan a, football avanga tuartu mi 96
te thlarau chu hmangaihna mittui nen an thlah liam ta a ni.
He chhiatna rapthlak a thlen hnua Liverpool inkhel hmasa ber, Celtic FC nena friendly match an khelh ni chuan “YNWA” hla chu stadium chhunga mipui awm zawng zawngte chuan inlungrual takin an sa rual thup thup a, khawvel chhuahsan ta an unau mi 96 te awmna hmun chu an aw mawi thangkhawk ri hriat phaka hnai ni se zawng, kuangkuaha thlamuan turin an rawn chhuk ngei ang le!
Chutiang bawkin FA Cup Final Wembley khelmuala Everton leh Liverpool ten an khelh hmain club pahnihte chuan an inhmelmakna zawng zawngte dah thain,mipui 90,000 laite chuan YNWA hla chu an sa rual thup thup a, khawvel chu football aia ropui he hmunah hian a awm a ni tih an hriattir a ni ber.
May ni 25, 2005 a ni a, Liverpool chu
Champions League final inpet kai thei mahse kum 15 dawn lai hmun hniam takah an lo awm tawh a ni. Mahse Istanbul khawpuia minute 45 hmasa erawh he leia thil thleng tura an duh loh ber a ni ngei ang. Liverpool chuan si thum an phur der mai. Stadium chu thlan leh mittui rimin a tuam a ni ber a, Liverpool khawpui lama TV atanga lo entute thawm pawh beng tha tak tan lo chuan hriat fiah tham a ni tawh lo.
‘Tichuan le, hmuhsitna leh deusawhna dawn inbeisei taka khelmual chhunga rawn let leh Liverpool player-te chuan an beisei ngam loh rimawi an hre ta! Eng dang a ni lo, he hla bawk hi a ni:
“… Walk on, walk on
With hope in your heart
And you will never walk alone…”
(Kal zel la, kal zel la
Thinlunga beiseina paiin
‘Tichuan malin I kal lo vang) tih hi.
A bak zawng chu thawnthu bu ngaihnawm tak ni thei thil a ni tawh. Liverpool chuan an si phurh zawng zawng sutin penalty shooutout-a chakin an thlakhlelh em em European lallukhum chu an khum ta! Hun harsaah chak lo tak chungin an kal zel a, mittui leh thlan tuite chu lo far thin mah se an kal zel a, a tawpah chuan malin an kal ta lo.
Kha November 1963-a tlai chhinchhiahtlak takah khan football khawvela hlapui ropui ber “You’ll Never Walk Alone” chuan nunna a rawn nei ve tan a, a rimawi thangkhaw ri chuan khawvel ral hma lohvin mawi lam a pan zual zel ang. He hla lungkuai tak mai hi 1960-a Pop hla lar pakhat ang leh Liverpool hla pakhat ang leka i lo ngai a nih chuan he hla nihna dik tak hi i hre thelh chiang hle tihna a ni. He hla hi khawpui pakhat thawnthua a changtu pawimawh tak a ni a, lungngaih leh retheih lai, thlaphan leh mangan lai, ropui leh mawi ber lai pawha KOP te zinkawng zawhpui thintu a ni a, hnehna hla do thil tithei tak a ni
No comments:
Post a Comment
COMMENT RAWH