Nimin 5th September, 2018 khan Mamitah All NGO's leh All Party Mamit huaihawtin Mamit Bawrhsap Bhupesh Chaudhary IAS duh lohna kawngzawh neih a ni a, mi 1000 chuangin kawng an zawh.
Thusawitu Central YMA President Pu Vanlalruata chuan "Mizote hi enkawl ngai tak kan ni a. A bik takin Mamit District hi enkawl ngai leh zual a ni a. Mamit DC Mizote mizia hrethiamlo kan nei hi a lungchhiatthlak tak zet a. Hetiang DC hi kan mamawh lova, a rang thei ang bera sawnchhuah hi kan duh dan a ni" a ti.
CYMA President chuan, "Tripura a Tuikuk E Roll Revision Mizoram pawn a neih kan remti lo chunga a kalpui lui zel hi kan hrethiam lova, mizoram dinhmun pawh hre lo leh khua lehtui dik tak an ni ngei em tih pawh chiang lo roll a thun luh a tum hi kan dodal zel dawn" a ti a.
"Mizote hi buaina siam duh lo leh ralmuang kan nih avang erawh chuan min zuam sual ang tih a hlauhawm hle a, Chutiang dinhmun hrethiam lo chu kan rama awm reng tlakah kan ngai lo" a ti bawk.
Mamit All NGO leh Political party hrang hrang aiawh Joint meeting Sept. ni 4 a thukhawm chuan Mamit Bawrhsap Bhupesh Chaudhary IAS chu Mamit atanga a chhuah theih nan hmalak nise, kawng zawh huaihawt nise an tih angin nimina kawngzawh hi neih a ni a, Mamit khawchhung mipui bakah Aizawl atangin NGO hruaitu thenkhat te an tel a ni.
Summer Discount Discount here for a limited time
Mamit All NGO leh Political party hrang hrang aiawh te chuan Tuikuk lak let chuangchanga ruahmanna awmsa ti bahlah thei Election Office meuh rawk a nih chungchangah DC a nihna anga venghim zo loah an puh a ni.
Mamit DC chu Mizoram All NGO Co-ordination Committee-in a rem tih loh Rufugee Camp-a Roll Revision neih a nih theih nana hma la rengah puhin hei hi Mizo mipuite zah lohna leh hmuhsitnaa an ngaih thu leh Tuikuk te Tripura-ah Vote an thlak theih nan hma a lak zel an rin avangin Mamit DC Bhupesh Chaudhary chu Mizoram chhuahsan turin an phut tih an sawi.
Nimin kawngzawh bultanna inkhawm tawi hi Sub-Hqrs. YMA Mamit, Vice President Pu K. Lalthanzama chuan kaihruaiin MSU Gen. Hqrs. aiawh, Mamit Jt. VC Chaiman leh Central Block MNF President ten thu an sawi a. Kawngzawh kharna inkhawm hi Pu K. Eley Rosanga President chuan a kaihruai ve thung a, CYMA president, Cental Block Congress President, Dist. VC Assn. President Mamit Dist. Thalai President leh MZP Gen. Hqrs. aiawh ten thu an sawi bawk.
Mamit khawpui chhunga sorkar office leh zirna in te chu kawng zawh chhungin khar a ni a, Km 2 chuang kawng zawh niin mi 1000 chuang an tel a. Mizo mipui min hmusittu Mamit DC Bhupesh Chaudhary kan duh lo. Election Document hum him zo lo kan duhlo, NGO hruaitu man tirtu DC kan duh lo tiin an au rual a ni.
No comments:
Post a Comment
COMMENT RAWH