“GLOBALISM NI LOVIN PATRIOTISM KAN CHAWI SANG A NI”
-US President Trump
Sept 26, 2018(MSR): Khawvela pawl inzawmkhawm lian ber United Nations chuan inkhawmpui lian kum tin an neih thin, 73rd UN Gen.Assembly chu New York khawpuia an Hqrs ah an neih mup mup mek a, member ram 193 atangin ram hruaitu lu ber ber leh diplomats hote an tel a ni. He 73rd UN Gen. Assembly-ah hian US President Donald Trump thusawi chu palaiten an nuih pui nasa hle!
President Trump chuan Sept 25 ah palaite hmaah thusawiin, 34min chhung a sawi a, a thusawi bul tan tirhah chuan, America rama rorelna-sorkar lo awm tawh zawng zawng aiin a kaihhruai sorkar chuan kum 2 chhung lekin hna a thawk nasa zawkin, thil tam tak a tihpuitlin thu a sawi chuan UN palai-ram hrang hruaitute leh diplomats rualte chu an nui dar dar a! Hetianga a thusawi laia a nui deuh sun sun chu internet-social media-ah an thawn darh nasa hle a ni.
Chutianga UN palaite lo nui deuh dar dar chu, “Khatianga chhanlet kha ka beisei lo a ni. Mahse, a pawi lem lo ve” (Did’nt expect that reaction, but that’s OK) tiin, za vakin lovin a nui let ve a, “A dik lutuk a ni” (so true) a ti zui a ni. Liberal media lam chuan President Trump thusawi chu an puangin an ziak uar hle a, “Hmuhsit nuihzatna” (mocking laighter) titein an sawi.
A hnuah reporters-ten a ngaihdan leh an nuih chhan an zawh chuan, “A tha lawm, thenkhat lo nuihza (laughter) lo awm kha, a ropui lutuk a ni” a tihkhum sam et. Politician te chu “the same coin” an lo tih thin ang deuhvin, President Donald Trump pawhin a hma mite a lo sawisel thinna chu a hmachhawn ve niin alang.
Aug 4, 2014 daih tawh khan Prresident Barack Obama chu tihian a bei a, “Khawvel pumin an nuih zat loh President neih kan mamawh a ni. Hruaitu ropui tak chu kan mamawh tak zet a, mi hnehtu leh thil ruahman thiam tak leh zahawm tak chu” tiin. Mahse, ani pawh chu UN Gen Assembly ah an nuih ve dur dur tho si a ni! President Trump chu US President 45na a ni.
President Trump chuan, “Kum 2 emaw chhung lekin ka kaihhruai rorelna chuan kan ram history a rorelna lo awm tawh zawng zawng chu thil tam tak ati hlawhtlingin tawh a ni. US chu chak zawkin a lo awm a, him zawk leh hausa zawkin kum 2 kalta atangin a lo awm a ni. America ram tan leh American mipuite tan kan ding a, khawvel pum tan pawh kan ding nghet tlat a ni. Chu chu kan khualehtuite tan thuthar ropui tak niin,mremna leh muanna duhtu khawi hmuna awm te tan pawh chanchin lawmawm a ni” a ti.
A thusawi tlangpuiah chuan North Korea, ISIS, Syria leh Iran chungchang sawiin Iran chu a tawngkamin a bei a ni deuh ber, “North Korea leh ISIS lak atangin hlauhawm a awm ta lova. North Korea atangin missile leh rocket kah a hlauhawm ta lo” a ti. President Trump thusawi hi The Daily Beast chuan, “Trump chuan UN Gen.Assembly (UNGA) ah mi tinte Hotu (Boss) a nihzia a tarlang a ni” tiin a fak laiin, The Washington Post erawh chuan, “Mipuite chuan President chu an nuihzat hle a ni” a ti thung.
GLOBALISM NI LOVIN PATRIOTISM ZAWK LE
President Trump chuan, “Khawvel pum insuihkhawmna thil (Globalism ideology) kan duh ve lova, chung aiin ram leh hnam hmangaihna thinlung (doctrine of patriotism) kan duh a ni. America chu American ten an rorelna hmun a ni a, a ram chhung venghimna leh dikna thilah ram dangin an zah sak kan duh a ni. United States chuan khawvel ram dang a tanpui (foreign aid) nasa ber lawt lak a, chutiang anih laiin ram tlemtein min pe let ve thung a ni. Chuvangin hetianga ram dang tanpuina leh chhawmdawlna (foreign assistance) tam tak kan pek chhuah thin chu kan ti tawp a ni. Min zah tute leh thawhpuitute chauh chu tanpui kan duh tawh a ni. Tlang takin sawi ta ila, “kan thian thate” chu kan thawhpui ang” a ti.
Donald Trump chuan “Socialism” an duhloh thu sawiin, ram hming hmerhin Latin America rama Venezuela ram, socialism rorelna chu sawi chhuakin, “Sipaiten sorkar chu paithla duh sela chuan awlsam takin an paihthla thei ang” a ti. Miami Herald chanchinbu chuan President Trump chuan Venezuela ramah “military coup” turin a fuih a ni, tiin a ziak phah a ni.
President Trump chuan “Global Warming-Climate Change” chungchang a sawi lang lova, chutih laiin UN peng pakhat UN Human Rights Council leh International Criminal Court (ICC) chu sawiselin, an chhuahsan chhan chu Israel chunga hleih nei taka thilti an nih a ang te leh ICC-International Body chuan “Kan khualehtuite ro an relsak kan duhlo a ni” a ti bawk. UN Human Rights Council chhuahsan mahse, Israel leh Palestinian te inkara remna leh muanna siam chu an duh ber a nih thute sawiin, US chuan Germany-in Russia chakna (gas & energy) thila a innghah a duhlo tihte a tarlang.
Oil laichhuaktu ram OPEC chungchangah, Iran thiltih dan chu demin Saudi Arabia, UAE leh Qatar ramte chu fakin, “Yemen rama mipuite nasa takin an tanpui a ni” tiin, Iran chu mahni ram thenawmte dikna leh zahawmna (sovereignity) zahlo leh Lebanon, Syria, Yemen ramah nasa taka firfiaka chetna kal pui leh inrawlhah a puh a ni. Iran chungchangah US National Security Adviser John Bolton chuan a pu (big boss) thusawi nemnghetin, “Iran chet vel dan chu ngun takin kan thlir reng a, a thiltih dan leh chin thin a sim a, a tihtawp loh chuan a man sang tak (hell to pay) a pe ngei ang” tiin a lo vau deuh ti tih nghal a ni.
President Trump chuan, “Iran chuan International law a bawhchhia a, an ram hruaitute chu eiruk hmang (corrupt regime) an ni a, mipui chanai tur dollar tluklehdingawn tel chu anmahni ipteah an khungbo a, chiaina, thihna leh chhiatna thlentu anni” tiin, Oil nei ram thenkhat te chu “Ram thenkhat chu kan venghim a, mahse, tuialhthei te chu to takin min lei tir a, hetiang hi kan duh lo” a ti.
Pem (immigration) chungchangah chuan UN hmalakna (UN’s Global Campat as Migration) chu an thlawp ve theilo tih sawiin, pemho chu anmahni ramah awmin “Make Your Nations Great Again” turin a fuihin a chah bawk.
President Trump thusawi hi Democrats lam chuan an helh hle a, President Obama Top Adviser leh UN Gen Assembly a thusawi tur duang thintu Ben Rhodes chuan, “America President-in UN Gen Assembly meuhva ‘global agenda’ a siam chuan nuih zat a hlawh a ni” a ti. Julie Smith, (US Vice President hlui Joe Biden Dy National Security Adviser hlui) chuan, “Oh God, worls stage ah kan President chu nuih zatin a awm ta maw?” a ti bawk. Don Lemon@CNN chuan President Trump chet vel dan chu “Telling Emperor-He Has No Clothes” a lo ti vel bawk! The New York tih chanchinbu erawh chuan, UN Inkhawmpui lian chu “Trump Rally” ang maiin a chhuah a ni, tiin a fak ve thung a ni.
UN Security Council ah Sept thla atanga thla 6 chhung chu US Ambassador chu President a nih hun a lo inher chhuak ve leh ta a, UN Security Council meeting-ah President Donald Trump chu a vawikhatna atan Chair a la dawn a, mite ngaihven a ni. US Ambassador to UN Nikki Haley chuan, “President Trump a Chair la tur chu mipui ngaihven leh hmuh chak ber tur a ni a, Iran chungchang a pho chhuak ang” a ti. President Obama kha President term 2 a chelh a, kum 8 chhungin UN Security Council meeting chu 2009 leh 2014 ah a lo kai hruai tawh a ni.
Author: CT Lalrinawma
-US President Trump
Sept 26, 2018(MSR): Khawvela pawl inzawmkhawm lian ber United Nations chuan inkhawmpui lian kum tin an neih thin, 73rd UN Gen.Assembly chu New York khawpuia an Hqrs ah an neih mup mup mek a, member ram 193 atangin ram hruaitu lu ber ber leh diplomats hote an tel a ni. He 73rd UN Gen. Assembly-ah hian US President Donald Trump thusawi chu palaiten an nuih pui nasa hle!
President Trump chuan Sept 25 ah palaite hmaah thusawiin, 34min chhung a sawi a, a thusawi bul tan tirhah chuan, America rama rorelna-sorkar lo awm tawh zawng zawng aiin a kaihhruai sorkar chuan kum 2 chhung lekin hna a thawk nasa zawkin, thil tam tak a tihpuitlin thu a sawi chuan UN palai-ram hrang hruaitute leh diplomats rualte chu an nui dar dar a! Hetianga a thusawi laia a nui deuh sun sun chu internet-social media-ah an thawn darh nasa hle a ni.
Chutianga UN palaite lo nui deuh dar dar chu, “Khatianga chhanlet kha ka beisei lo a ni. Mahse, a pawi lem lo ve” (Did’nt expect that reaction, but that’s OK) tiin, za vakin lovin a nui let ve a, “A dik lutuk a ni” (so true) a ti zui a ni. Liberal media lam chuan President Trump thusawi chu an puangin an ziak uar hle a, “Hmuhsit nuihzatna” (mocking laighter) titein an sawi.
A hnuah reporters-ten a ngaihdan leh an nuih chhan an zawh chuan, “A tha lawm, thenkhat lo nuihza (laughter) lo awm kha, a ropui lutuk a ni” a tihkhum sam et. Politician te chu “the same coin” an lo tih thin ang deuhvin, President Donald Trump pawhin a hma mite a lo sawisel thinna chu a hmachhawn ve niin alang.
Aug 4, 2014 daih tawh khan Prresident Barack Obama chu tihian a bei a, “Khawvel pumin an nuih zat loh President neih kan mamawh a ni. Hruaitu ropui tak chu kan mamawh tak zet a, mi hnehtu leh thil ruahman thiam tak leh zahawm tak chu” tiin. Mahse, ani pawh chu UN Gen Assembly ah an nuih ve dur dur tho si a ni! President Trump chu US President 45na a ni.
President Trump chuan, “Kum 2 emaw chhung lekin ka kaihhruai rorelna chuan kan ram history a rorelna lo awm tawh zawng zawng chu thil tam tak ati hlawhtlingin tawh a ni. US chu chak zawkin a lo awm a, him zawk leh hausa zawkin kum 2 kalta atangin a lo awm a ni. America ram tan leh American mipuite tan kan ding a, khawvel pum tan pawh kan ding nghet tlat a ni. Chu chu kan khualehtuite tan thuthar ropui tak niin,mremna leh muanna duhtu khawi hmuna awm te tan pawh chanchin lawmawm a ni” a ti.
A thusawi tlangpuiah chuan North Korea, ISIS, Syria leh Iran chungchang sawiin Iran chu a tawngkamin a bei a ni deuh ber, “North Korea leh ISIS lak atangin hlauhawm a awm ta lova. North Korea atangin missile leh rocket kah a hlauhawm ta lo” a ti. President Trump thusawi hi The Daily Beast chuan, “Trump chuan UN Gen.Assembly (UNGA) ah mi tinte Hotu (Boss) a nihzia a tarlang a ni” tiin a fak laiin, The Washington Post erawh chuan, “Mipuite chuan President chu an nuihzat hle a ni” a ti thung.
GLOBALISM NI LOVIN PATRIOTISM ZAWK LE
President Trump chuan, “Khawvel pum insuihkhawmna thil (Globalism ideology) kan duh ve lova, chung aiin ram leh hnam hmangaihna thinlung (doctrine of patriotism) kan duh a ni. America chu American ten an rorelna hmun a ni a, a ram chhung venghimna leh dikna thilah ram dangin an zah sak kan duh a ni. United States chuan khawvel ram dang a tanpui (foreign aid) nasa ber lawt lak a, chutiang anih laiin ram tlemtein min pe let ve thung a ni. Chuvangin hetianga ram dang tanpuina leh chhawmdawlna (foreign assistance) tam tak kan pek chhuah thin chu kan ti tawp a ni. Min zah tute leh thawhpuitute chauh chu tanpui kan duh tawh a ni. Tlang takin sawi ta ila, “kan thian thate” chu kan thawhpui ang” a ti.
Donald Trump chuan “Socialism” an duhloh thu sawiin, ram hming hmerhin Latin America rama Venezuela ram, socialism rorelna chu sawi chhuakin, “Sipaiten sorkar chu paithla duh sela chuan awlsam takin an paihthla thei ang” a ti. Miami Herald chanchinbu chuan President Trump chuan Venezuela ramah “military coup” turin a fuih a ni, tiin a ziak phah a ni.
President Trump chuan “Global Warming-Climate Change” chungchang a sawi lang lova, chutih laiin UN peng pakhat UN Human Rights Council leh International Criminal Court (ICC) chu sawiselin, an chhuahsan chhan chu Israel chunga hleih nei taka thilti an nih a ang te leh ICC-International Body chuan “Kan khualehtuite ro an relsak kan duhlo a ni” a ti bawk. UN Human Rights Council chhuahsan mahse, Israel leh Palestinian te inkara remna leh muanna siam chu an duh ber a nih thute sawiin, US chuan Germany-in Russia chakna (gas & energy) thila a innghah a duhlo tihte a tarlang.
Oil laichhuaktu ram OPEC chungchangah, Iran thiltih dan chu demin Saudi Arabia, UAE leh Qatar ramte chu fakin, “Yemen rama mipuite nasa takin an tanpui a ni” tiin, Iran chu mahni ram thenawmte dikna leh zahawmna (sovereignity) zahlo leh Lebanon, Syria, Yemen ramah nasa taka firfiaka chetna kal pui leh inrawlhah a puh a ni. Iran chungchangah US National Security Adviser John Bolton chuan a pu (big boss) thusawi nemnghetin, “Iran chet vel dan chu ngun takin kan thlir reng a, a thiltih dan leh chin thin a sim a, a tihtawp loh chuan a man sang tak (hell to pay) a pe ngei ang” tiin a lo vau deuh ti tih nghal a ni.
President Trump chuan, “Iran chuan International law a bawhchhia a, an ram hruaitute chu eiruk hmang (corrupt regime) an ni a, mipui chanai tur dollar tluklehdingawn tel chu anmahni ipteah an khungbo a, chiaina, thihna leh chhiatna thlentu anni” tiin, Oil nei ram thenkhat te chu “Ram thenkhat chu kan venghim a, mahse, tuialhthei te chu to takin min lei tir a, hetiang hi kan duh lo” a ti.
Pem (immigration) chungchangah chuan UN hmalakna (UN’s Global Campat as Migration) chu an thlawp ve theilo tih sawiin, pemho chu anmahni ramah awmin “Make Your Nations Great Again” turin a fuihin a chah bawk.
President Trump thusawi hi Democrats lam chuan an helh hle a, President Obama Top Adviser leh UN Gen Assembly a thusawi tur duang thintu Ben Rhodes chuan, “America President-in UN Gen Assembly meuhva ‘global agenda’ a siam chuan nuih zat a hlawh a ni” a ti. Julie Smith, (US Vice President hlui Joe Biden Dy National Security Adviser hlui) chuan, “Oh God, worls stage ah kan President chu nuih zatin a awm ta maw?” a ti bawk. Don Lemon@CNN chuan President Trump chet vel dan chu “Telling Emperor-He Has No Clothes” a lo ti vel bawk! The New York tih chanchinbu erawh chuan, UN Inkhawmpui lian chu “Trump Rally” ang maiin a chhuah a ni, tiin a fak ve thung a ni.
UN Security Council ah Sept thla atanga thla 6 chhung chu US Ambassador chu President a nih hun a lo inher chhuak ve leh ta a, UN Security Council meeting-ah President Donald Trump chu a vawikhatna atan Chair a la dawn a, mite ngaihven a ni. US Ambassador to UN Nikki Haley chuan, “President Trump a Chair la tur chu mipui ngaihven leh hmuh chak ber tur a ni a, Iran chungchang a pho chhuak ang” a ti. President Obama kha President term 2 a chelh a, kum 8 chhungin UN Security Council meeting chu 2009 leh 2014 ah a lo kai hruai tawh a ni.
Author: CT Lalrinawma
No comments:
Post a Comment
COMMENT RAWH