Tukin zing dar 1:30 vel khan Govt. Complex venga Assam Type In chhungkaw hnih luah lai chu a chim a, hliam tuar pahnih awmin, vanneihthlak takin nunna chan an awm lo. In neitu hi Malsawmkimi a ni a, an mahniin luah lovin midang an luah tir a ni a. In luahtute hi James Vanlalthara te leh, C Lalpanmawia te chhungkua an ni a, he In chimah hian vanneihthlak takin nunna chan an awm lova, he in luahtute, James Vanlalthara nupui leh leh C. Lalpanmawia te chuan hliam na vaklo an tuar a, tukin zing khan damdawiin panpui an ni a, admit ngailo in in lama in enkawl tura hawtir an ni a, dinhmun ngaihtuahawm an nilo.
In chim thenfai hna hi tukin zing khan khawtlangin an thawk nghal a, he chhiat tawhna hi Ward X Councillor R. Lalbiakthanga chuan tlawh nghalin hnatlangte thingpui inna tur leh chhiat tawkte tan pawisa engemawzat a pe a, bialtu MLA, K Sangthuama pawhin Rs 3000 leh a tula hman tur Silpaulin a pe bawk.
No comments:
Post a Comment
COMMENT RAWH