September 7, 2018 (Friday): Mizoram hmun hrang hranga khuarel chhiatna tuarte chhawmdawl nan Mizoram sorkar chuan sorkar laipuiah cheng vbc. 116 a dil ațangin cheng vbc. 35.9 hmuh a ni a, hetihlai hian tunhnai kum 3 chhungin khuarel chhiatna thleng vanga nunna chan mi 54 an awm tawh.
Disaster Mangement & Rehabilitation department chhinchiah danin, kum 2016-17 chhung khan Mizoram ah khuarel chhiatna vanga nunna chan mi 21 an awm a, leimin vanga nunna chan an tam ber. Tuilian vanga chenna In chhia (fully damaged) 910 a awm bawk. 2016-17 chhunga khuarel chhiatna avanga nunna chan zingah leimin vanga nunna chan mi 16 leh hliam tuar mi 3 an awm a, kangmei vanga nunna chan 1 awmin hliam tuar 2 an awm. Cyclone vanga nunna chan 1 awm bawkin, tuilian vanga nunna chan mi 7 an awm a, Țek (Lightning) den hlum mi 3 an awm bawk.
Kum liamta 2017-18 chhung khan khuarel chhiatna vanga nunna chan mi 19 an awm a, nunna chan hi Lunglei district-ah tam berin mi 9 an awm. Aizawl district-ah pawh 5 awmin Siaha leh Lawngtlai-ah 2 ve ve bakah Champhai district-ah 1 a awm a, Mamit, Kolasib leh Serchhip district-ah nunna chan an awm lo thung. DM&R chhinchhiah danin nikum May leh June thla chhunga ruahsur nasa in thil a tihchhiat hlutzawng chu nuai 6000 chuang a tling.
Kumin kum kal mek 2018-19 ah hian Mizoram hmun hrang hrangah khuarel chhiatna thleng vanga nunna chan mi 14 an awm leh tawh bawk a, heng mite hi May 12 zinga Bungbangla quarry chim a thi mi 4 te leh June 4 tlaia Lunglawna leiminin in a chhilhhlum mi 10 an ni.
Khuarel chhiatna avanga thi te hi sorkar dan awmsa angin Rs 4 lacs zela ral an ni a, Aizawl-Siaha night bus, rawpui leh Pangzawl inkara chesual te pawh PM National Relief Fund kaltlangin thi chhungte mi 11 hnenah Rs 2 lacs țheuh leh hliam na te Rs 50,000 țheuh pek an ni.
Hmun hrang hranga khuarel chhiatna tuarte chhawmdawl nan Mizoram sorkar chuan sorkar laipuiah nikum lam khan cheng vbc. 116 alo dil tawh a, țanpuina hnathawhna tur sum a dil ațang hian cheng vbc. 35.9 a hmu a, heng sum te hi Mizoram district hrang hranga chhiatna thlenna hmun a chhawmdawlna hnathawhna turin DC tin hnenah pek tawh niin thudawn a ni.
Disaster Mangement & Rehabilitation department chhinchiah danin, kum 2016-17 chhung khan Mizoram ah khuarel chhiatna vanga nunna chan mi 21 an awm a, leimin vanga nunna chan an tam ber. Tuilian vanga chenna In chhia (fully damaged) 910 a awm bawk. 2016-17 chhunga khuarel chhiatna avanga nunna chan zingah leimin vanga nunna chan mi 16 leh hliam tuar mi 3 an awm a, kangmei vanga nunna chan 1 awmin hliam tuar 2 an awm. Cyclone vanga nunna chan 1 awm bawkin, tuilian vanga nunna chan mi 7 an awm a, Țek (Lightning) den hlum mi 3 an awm bawk.
Kum liamta 2017-18 chhung khan khuarel chhiatna vanga nunna chan mi 19 an awm a, nunna chan hi Lunglei district-ah tam berin mi 9 an awm. Aizawl district-ah pawh 5 awmin Siaha leh Lawngtlai-ah 2 ve ve bakah Champhai district-ah 1 a awm a, Mamit, Kolasib leh Serchhip district-ah nunna chan an awm lo thung. DM&R chhinchhiah danin nikum May leh June thla chhunga ruahsur nasa in thil a tihchhiat hlutzawng chu nuai 6000 chuang a tling.
Kumin kum kal mek 2018-19 ah hian Mizoram hmun hrang hrangah khuarel chhiatna thleng vanga nunna chan mi 14 an awm leh tawh bawk a, heng mite hi May 12 zinga Bungbangla quarry chim a thi mi 4 te leh June 4 tlaia Lunglawna leiminin in a chhilhhlum mi 10 an ni.
Khuarel chhiatna avanga thi te hi sorkar dan awmsa angin Rs 4 lacs zela ral an ni a, Aizawl-Siaha night bus, rawpui leh Pangzawl inkara chesual te pawh PM National Relief Fund kaltlangin thi chhungte mi 11 hnenah Rs 2 lacs țheuh leh hliam na te Rs 50,000 țheuh pek an ni.
Hmun hrang hranga khuarel chhiatna tuarte chhawmdawl nan Mizoram sorkar chuan sorkar laipuiah nikum lam khan cheng vbc. 116 alo dil tawh a, țanpuina hnathawhna tur sum a dil ațang hian cheng vbc. 35.9 a hmu a, heng sum te hi Mizoram district hrang hranga chhiatna thlenna hmun a chhawmdawlna hnathawhna turin DC tin hnenah pek tawh niin thudawn a ni.
No comments:
Post a Comment
COMMENT RAWH