"Tunlai kan boruakah party dangte hi phur hle turah ka ngai a, kan party hi kan phur hle zawk si a, Sorkar leh tura buatsaih ngei chu kan lo ni" MPCC President Pu Lal Thanhawla, Chief Minister chuan a ti.
21 September, 2018 khan Congress Party chuan Lal Thanhawla Auditorium-ah Political Session hun hmangin Pu Lal Thanhawla, Chief Minister leh MPCC President ni bawk chuan thu a sawi a. MPCC Vice President a ruat thar Pu C.L. Ruala, MP (LS) leh Assembly Speaker Pu Hiphei ten thu an sawi bawk.
Chief Minister Pu Lal Thanhawla chuan "Congress Party hi chunglamin Sorkar leh turin min buatsaih mek a, tunlai kan boruakah party dangte hi phur hle turah ka ngai a, kan party hi kan phur hle zawk si a ni. Khawvel kalphungah chuan Congress Bhavan te pawh boruak dai ruih a, thawl taka kan awmte ka lo ring a, nimahsela, kan party-in harhtharna kan chan phah hlauh a, Sorkar leh tura buatsaih ngei chu kan lo ni. BJP te an rawn lengin min sawm a, 'kei chu Congress ka ni a, Congress-in ka thi dawn' ka ti a, min sawm nawn tawh ngai lo. Kei chuan tute mah hi ka itsik peih lova, ka er peih lova, ka haw rei peih lova, ka phiar ru ve peih lo bawk a, ka thatchhiatnaah hian min entawn rawh u" a ti.
Mizoram Pradesh Congress Committee-a Vice President ruat thar tak Pu C.L. Ruala pawhin thusawiin "politics-ah ka chawl ve tawh ang chu ka tih laiin mawhphurhna min pe thar leh a, he mawhphurhna min pek hi theihtawp chhuaha thawh ka tum dawn a ni. MP inthlan hmasaah party mipuite zarah awlsam tak leh hahdam takin hnehna kan chang a, inthlan hnuhnung zawk kum 2014 MP inthlan dawnah kan hotu thenkhatten Robert Romawia Royte a din chuan i hneh lo hle ang, chuvangin Robert Romawia be rawh min tih avangin kan CM ka hrilh a, kan CM in 'chutia kan hotuten an tih chuan bia la' min tih angin kan nupain Robert Romawia te in kan pan a, mahse a lo awm lo hlauh a, ka hnehna pawh a sang lo hle a ni" a ti.
MPCC Disciplinary Action Committee Chairman Pu C. Lalpianthanga chuan MPCC Vice President Pu R. Lalzirliana Congress Party atanga hnawhchhuah a nih dan chungchang report a pe bawk.
21 September, 2018 khan Congress Party chuan Lal Thanhawla Auditorium-ah Political Session hun hmangin Pu Lal Thanhawla, Chief Minister leh MPCC President ni bawk chuan thu a sawi a. MPCC Vice President a ruat thar Pu C.L. Ruala, MP (LS) leh Assembly Speaker Pu Hiphei ten thu an sawi bawk.
Chief Minister Pu Lal Thanhawla chuan "Congress Party hi chunglamin Sorkar leh turin min buatsaih mek a, tunlai kan boruakah party dangte hi phur hle turah ka ngai a, kan party hi kan phur hle zawk si a ni. Khawvel kalphungah chuan Congress Bhavan te pawh boruak dai ruih a, thawl taka kan awmte ka lo ring a, nimahsela, kan party-in harhtharna kan chan phah hlauh a, Sorkar leh tura buatsaih ngei chu kan lo ni. BJP te an rawn lengin min sawm a, 'kei chu Congress ka ni a, Congress-in ka thi dawn' ka ti a, min sawm nawn tawh ngai lo. Kei chuan tute mah hi ka itsik peih lova, ka er peih lova, ka haw rei peih lova, ka phiar ru ve peih lo bawk a, ka thatchhiatnaah hian min entawn rawh u" a ti.
Mizoram Pradesh Congress Committee-a Vice President ruat thar tak Pu C.L. Ruala pawhin thusawiin "politics-ah ka chawl ve tawh ang chu ka tih laiin mawhphurhna min pe thar leh a, he mawhphurhna min pek hi theihtawp chhuaha thawh ka tum dawn a ni. MP inthlan hmasaah party mipuite zarah awlsam tak leh hahdam takin hnehna kan chang a, inthlan hnuhnung zawk kum 2014 MP inthlan dawnah kan hotu thenkhatten Robert Romawia Royte a din chuan i hneh lo hle ang, chuvangin Robert Romawia be rawh min tih avangin kan CM ka hrilh a, kan CM in 'chutia kan hotuten an tih chuan bia la' min tih angin kan nupain Robert Romawia te in kan pan a, mahse a lo awm lo hlauh a, ka hnehna pawh a sang lo hle a ni" a ti.
MPCC Disciplinary Action Committee Chairman Pu C. Lalpianthanga chuan MPCC Vice President Pu R. Lalzirliana Congress Party atanga hnawhchhuah a nih dan chungchang report a pe bawk.
No comments:
Post a Comment
COMMENT RAWH