LAWNGTLAI-AH FORMALIN A SAWNGBAWL SANGHA HMUHCHHUAH A NI

 Nimin Sept 7, 2018, khan Lawngtlai Bazar a State pawnlam atanga lakluh, Sangha thenkhat chu Formalin a sawngbawla nih leh nih loh enfiah a ni a, Formalin a sawngbawl hmuhchhuah a ni.

Thlahlui tir lam atang tawh khan Lai AutonomousDistrict Council a Sanitation Department chuan, State dangah Formalin hmanga sawngbawl, Sangha hmuhchhuah anih vangin mipuite him zawk nan, Lawngtlai Bazar-a Sangha zuartute chu State pawnlam a mi lalut lo tur leh mipuite pawh phailam Sangha ei lo turin an lo ngen tawh a, Formalin a sawngbawl a nih leh nih loh finfiahna Lawngtlaiah a awmloh vangin fimkhur thilah Sanitation Department hian ngenna a siam hnu ah, nimin khan Mizoram Sorkar, Fishery Department te chuan LADC a Sanitation Department nen tangkawpin, Lawngtlai-a Sangha zawrh thenkhat chuan enfiah a, enfiahna hmanrua atanga a landanin Sangha, Formalin a sawngbawl ngei hmuhchhuah a ni tih LADC a Sanitation Officer, Pu C. Lalhmunsiama chuan The Lawngtlai Post  palai a hrilh.