Tun hnaia Pu Zira banna leh hnawhchhuah a nih thuah hian sawizui hlawh lem lo tak, Kristian kan nih anga sawizui chiam tur niawm tak si a lo lang ta. Chu chu Pu Zira ţawngkam ngei kha a ni.
'MLPC Act chungchang sawiho a nih lai khan Upa Lalsawta leh Upa JH Roţhuama te chu an ngawi reng a!' tiin a sawi a nih kha. Thil chikmi pangngai tân chuan Pu Zira hian zu zawrh hi kohhranin a thlawp lohzia a sawina a ni tih kan hmu thei ang.
Chu aia chik lehzuala ngaihtuahna hmang mi erawh chuan, 'Upa nihna lantir ngam hauh lohna a thleng a nih chu!' tiin a sawi thei ta. He kan Upa pahnihte nun hian Zorama Kristianna chiang taka a tarlanna hmuhzui tur awm lai taka hi ngawihpui mai chu a fel hauh lovang.
Thu fing chuan, 'Mi â pawh a ngawih reng chuan mi finga ngaih a ni ţhin' tih hi man ţhelh laklawh vaih chuan chhiat lehzualna thlentu mai a ni thei zawk. Thu vekin, 'Thil ţha hriaa ti si lo chu a tân sual a ni' a ti ve bawk a nia! Ţanhmun fel tak nei lo mi lek phei chu mi fing ni lovin mi dawihzep leh vervek mai an ni zawk ang.
Zoramah zu zawrh dan tur chungchang relin a han awm ta a. Chu chu kohhranin a duh lo bur a! Nimahsela, zu zawrh dan tur reltu zingah chuan kohhran Upa pahnih an awm ve ta tlat mai. A sawi uar duh deuh tân phei chuan fiahna hun a lo thleng ta pawh ti se, an tisual lem lovang.
Mahse, Berampu ţha hnungzuitu kan nih hi ti ni hmiang, Upa pahnihte chu engmah sawi tur nei lovin an ngawi ta tlat niawm a ni. Mahni party duh dan kalh ai chuan ngawih mai kha a finthlakin a lang chiah reng a. Mahse, rorel dang ang lo takin kohhran duh dan kalha rorelna a nih miau avangin Pathian ngaihah erawh a dik ang maw?
Galatia mite hnenah Paula chuan mihring tihlawm nge ka tum, Pathian tihlawm? Mi zinga tlaktlum tum ka ni em ni? Ni ila, Krista bawih ka ni lo vang, tiin a sawi chiang hle mai. Tlaktlum loh hlauhna, Pu Hawla kalh zawnga khawsak duh lohna hi Pathian lawmzawng a ni ngai lovang!
Mizoramah Kohhran meuhin ram rorelna sâng berah thlavang hauhtu a nei ta tlat lo mai leh kohhran thutlukna ţan zawnga thu leh hla nei ngam kohhran Upa kan nei lo hi kan rama Kristian tam zawk nun chiah chiah a nihna lai a va tam thei awm êm! Lal Isua leh a Zirtirte kha ngawi renga sual huaa enliam ţhin mi an nih ngai awm reng reng ka hriat loh chu!
Mi tam zawk hi chuan an Kristianna hi up hlum an tum ta ni mai awm khawpin sual hual vel kârah nun an hmang thawm zawi thiam a! A ţawng chhuak peih awmchhun ang ang lo dem kawngah erawh chinrang ang mai ţuanrang leh chinghnia ang maia verther leh koham an ni lawi si!
Pathian mi dik tak zawk chuan, Pastor zu in sawi mawi a nih ţum te, zu zawrh hi kohhran ţawngţai chhanna a ni tih a lo rik khan mahni Party aiin Lalpa huatzawng taka thu sawi a nih avang zawk leh a lamţang a nihzia lantir nân ke a pen ngei tur a ni zawk ang. Chutiang bawkin rorel lo lam pawla mi pawhin a ti bawk ngei ang!
Kohhran kaltlanga a huhoa huai tak tak, pawr tak takte hi ring lo mite zinga an maltlat meuh chuan, Ela ruama Israel fate, inmal beiha Goliatha'n a cho ţuma ui tualdawih ang maia mei khupa an tlawm ang maiin an tlawm duai duai ţhin a nih hi! Pathian meuh pawh kan ram rorelna hmunah kan titlawm mawlh mawlh a nih reng ţhin hi!
Rorelna sângah hmun a nei lo a, thuneihna pêkin a awm lo bawk. Ţantu a nei lo a, a tâna tlangau ngam pawh a hmu zo bawk hek lo. Ani ai chuan sawrkar mek leh sawrkar tawh zingah Pute Lalthanhawla leh Zoramthanga tihlawm thlang ta hlir Upa awmna mai, Pathian aia mihring rawngbawltu mai, anmahni ang bawkin mipuite pawh mihring tihlawm tum mai, an nuna Pathianin ram a chan reng reng lohna ramah kan cheng mek a lo ni e.
Author: Lalremliana Pachuau
'MLPC Act chungchang sawiho a nih lai khan Upa Lalsawta leh Upa JH Roţhuama te chu an ngawi reng a!' tiin a sawi a nih kha. Thil chikmi pangngai tân chuan Pu Zira hian zu zawrh hi kohhranin a thlawp lohzia a sawina a ni tih kan hmu thei ang.
Chu aia chik lehzuala ngaihtuahna hmang mi erawh chuan, 'Upa nihna lantir ngam hauh lohna a thleng a nih chu!' tiin a sawi thei ta. He kan Upa pahnihte nun hian Zorama Kristianna chiang taka a tarlanna hmuhzui tur awm lai taka hi ngawihpui mai chu a fel hauh lovang.
Thu fing chuan, 'Mi â pawh a ngawih reng chuan mi finga ngaih a ni ţhin' tih hi man ţhelh laklawh vaih chuan chhiat lehzualna thlentu mai a ni thei zawk. Thu vekin, 'Thil ţha hriaa ti si lo chu a tân sual a ni' a ti ve bawk a nia! Ţanhmun fel tak nei lo mi lek phei chu mi fing ni lovin mi dawihzep leh vervek mai an ni zawk ang.
Zoramah zu zawrh dan tur chungchang relin a han awm ta a. Chu chu kohhranin a duh lo bur a! Nimahsela, zu zawrh dan tur reltu zingah chuan kohhran Upa pahnih an awm ve ta tlat mai. A sawi uar duh deuh tân phei chuan fiahna hun a lo thleng ta pawh ti se, an tisual lem lovang.
Mahse, Berampu ţha hnungzuitu kan nih hi ti ni hmiang, Upa pahnihte chu engmah sawi tur nei lovin an ngawi ta tlat niawm a ni. Mahni party duh dan kalh ai chuan ngawih mai kha a finthlakin a lang chiah reng a. Mahse, rorel dang ang lo takin kohhran duh dan kalha rorelna a nih miau avangin Pathian ngaihah erawh a dik ang maw?
Galatia mite hnenah Paula chuan mihring tihlawm nge ka tum, Pathian tihlawm? Mi zinga tlaktlum tum ka ni em ni? Ni ila, Krista bawih ka ni lo vang, tiin a sawi chiang hle mai. Tlaktlum loh hlauhna, Pu Hawla kalh zawnga khawsak duh lohna hi Pathian lawmzawng a ni ngai lovang!
Mizoramah Kohhran meuhin ram rorelna sâng berah thlavang hauhtu a nei ta tlat lo mai leh kohhran thutlukna ţan zawnga thu leh hla nei ngam kohhran Upa kan nei lo hi kan rama Kristian tam zawk nun chiah chiah a nihna lai a va tam thei awm êm! Lal Isua leh a Zirtirte kha ngawi renga sual huaa enliam ţhin mi an nih ngai awm reng reng ka hriat loh chu!
Mi tam zawk hi chuan an Kristianna hi up hlum an tum ta ni mai awm khawpin sual hual vel kârah nun an hmang thawm zawi thiam a! A ţawng chhuak peih awmchhun ang ang lo dem kawngah erawh chinrang ang mai ţuanrang leh chinghnia ang maia verther leh koham an ni lawi si!
Pathian mi dik tak zawk chuan, Pastor zu in sawi mawi a nih ţum te, zu zawrh hi kohhran ţawngţai chhanna a ni tih a lo rik khan mahni Party aiin Lalpa huatzawng taka thu sawi a nih avang zawk leh a lamţang a nihzia lantir nân ke a pen ngei tur a ni zawk ang. Chutiang bawkin rorel lo lam pawla mi pawhin a ti bawk ngei ang!
Kohhran kaltlanga a huhoa huai tak tak, pawr tak takte hi ring lo mite zinga an maltlat meuh chuan, Ela ruama Israel fate, inmal beiha Goliatha'n a cho ţuma ui tualdawih ang maia mei khupa an tlawm ang maiin an tlawm duai duai ţhin a nih hi! Pathian meuh pawh kan ram rorelna hmunah kan titlawm mawlh mawlh a nih reng ţhin hi!
Rorelna sângah hmun a nei lo a, thuneihna pêkin a awm lo bawk. Ţantu a nei lo a, a tâna tlangau ngam pawh a hmu zo bawk hek lo. Ani ai chuan sawrkar mek leh sawrkar tawh zingah Pute Lalthanhawla leh Zoramthanga tihlawm thlang ta hlir Upa awmna mai, Pathian aia mihring rawngbawltu mai, anmahni ang bawkin mipuite pawh mihring tihlawm tum mai, an nuna Pathianin ram a chan reng reng lohna ramah kan cheng mek a lo ni e.
Author: Lalremliana Pachuau
No comments:
Post a Comment
COMMENT RAWH