(India-10lakh, Mizoram-10lakh, NEC-5lakh, IOA-2 lakh)
Indian Olympic Association (IOA) chuan Asian Games-a Indian medalist te hnenah sumfai a hlan fel ta a, team inelna atanga silver medal an lak avangin Mizo tleirawl Lalremsiami pawhin Rs.2 lakh a hum ran tawh a, hei bakah hian Ministry of Youth Affairs & Sports kaltlangin Rs.10 lakh a dawng bawk ang.
IOA chuan team event-a medal late hnenah hetiang hian sumfai lawmman a pe a, Gold - Rs 3 lakh, silver - Rs 2 lakh leh bronze - Rs 1 lakh theuh, mimal (individual)a medal late hnenah gold - Rs 5 lakh, suilver- Rs 3 lakh leh bronze - Rs 2 lakh theuh a hlan bawk.
Asian Games 2018-a India hmeichhe team-te silver medal lakpuitu Remsiami hi Mizoram sawrkar chuan sumfai lawmman Rs.10 lakh an pek dawn thu an puang tawh a, Olympic, Asian Games leh Commonwealth Games-a medal late hnenah NEC (North Eastern Council) chuan sumfai pe thin bawkin Remsiami hian Rs.5 lakh a dawng thei dawn bawk a ni.
Sawrkar laipui, Mizoram, NEC leh IOA a\anga a sumfai dawn tur chu a vaiin Rs.27 lakh a ni a, Mizoramin Incentive Cash Award a sem thin atangin Rs.1 lakh emaw, a aia tam emaw dawng thei tur a ni bawk a, pawl hrang hrang leh mimal lawmpuina atangin sumfai a la dawn rin a ni bawk.
Remsiami hi Argentina-a Youth Olympics 2018 (Oct.6-12) neih turah India aiawhin a fehchhuak zui leh nghal mai dawn a, medal a la pha a nih phei chuan a sumfai dawn tur a pung chho leh ngei ang.
Thu dawn danin Siami hi bialtu MLA Pu Zoram Sangliana chuan Rs.50000 pek a tum a, Pu Famkima College veng, Kolasib chuan ama pualin Hockey ground hmun pek a tum bawk a ni. Tin, Mizoram sawrkar chuan Kolasib tleirawl tan hian Falkland RAY Project – Housing hnuaiah 'Individual Housing Unit' pakhat an dah bawk.
Pathianni kalta khan New Delhi-ah IOA Executive Council Meeting neih a ni a, meeting neih zawh hian Asian Games 2018-a India tana medal late lawmpuina hun Felicitation Ceremony buatsaih zui a ni. Executive Council Meeting leh Felicitation programme-ahte Mizoram State Olympic Association aiawhin Secretary General C.Laltlanthanga pawh a tel ve bawk.
Mizo tleirawl Siami chuan, " IOA-in cheng nuai hnih min pe hi ka lawm a, Mizoram sawrkarin pawisa tam tak min pe tih ka hriatin ka lawm tak meuh meuh bawk a. Award te pawh MYC ten min hlan tih ka hre leh zel bawk a, ka lawm tak zet a ni. Youth Olympic Games awm turah India aiawhin ka tel leh dawn a, Mizo mipuite leh India tan medal lak ngei ka tum a, min tawngtaipui turin ka sawm che u" a ti.
Pathianni vek khan Siami hian Youth Olympic atana camp an neihna Bhopal a pan lehnghal a, Oct.19, 2018-ah Mizorama a lo haw theih beisei a ni.
Indian Olympic Association (IOA) chuan Asian Games-a Indian medalist te hnenah sumfai a hlan fel ta a, team inelna atanga silver medal an lak avangin Mizo tleirawl Lalremsiami pawhin Rs.2 lakh a hum ran tawh a, hei bakah hian Ministry of Youth Affairs & Sports kaltlangin Rs.10 lakh a dawng bawk ang.
IOA chuan team event-a medal late hnenah hetiang hian sumfai lawmman a pe a, Gold - Rs 3 lakh, silver - Rs 2 lakh leh bronze - Rs 1 lakh theuh, mimal (individual)a medal late hnenah gold - Rs 5 lakh, suilver- Rs 3 lakh leh bronze - Rs 2 lakh theuh a hlan bawk.
Asian Games 2018-a India hmeichhe team-te silver medal lakpuitu Remsiami hi Mizoram sawrkar chuan sumfai lawmman Rs.10 lakh an pek dawn thu an puang tawh a, Olympic, Asian Games leh Commonwealth Games-a medal late hnenah NEC (North Eastern Council) chuan sumfai pe thin bawkin Remsiami hian Rs.5 lakh a dawng thei dawn bawk a ni.
Sawrkar laipui, Mizoram, NEC leh IOA a\anga a sumfai dawn tur chu a vaiin Rs.27 lakh a ni a, Mizoramin Incentive Cash Award a sem thin atangin Rs.1 lakh emaw, a aia tam emaw dawng thei tur a ni bawk a, pawl hrang hrang leh mimal lawmpuina atangin sumfai a la dawn rin a ni bawk.
Remsiami hi Argentina-a Youth Olympics 2018 (Oct.6-12) neih turah India aiawhin a fehchhuak zui leh nghal mai dawn a, medal a la pha a nih phei chuan a sumfai dawn tur a pung chho leh ngei ang.
Thu dawn danin Siami hi bialtu MLA Pu Zoram Sangliana chuan Rs.50000 pek a tum a, Pu Famkima College veng, Kolasib chuan ama pualin Hockey ground hmun pek a tum bawk a ni. Tin, Mizoram sawrkar chuan Kolasib tleirawl tan hian Falkland RAY Project – Housing hnuaiah 'Individual Housing Unit' pakhat an dah bawk.
Pathianni kalta khan New Delhi-ah IOA Executive Council Meeting neih a ni a, meeting neih zawh hian Asian Games 2018-a India tana medal late lawmpuina hun Felicitation Ceremony buatsaih zui a ni. Executive Council Meeting leh Felicitation programme-ahte Mizoram State Olympic Association aiawhin Secretary General C.Laltlanthanga pawh a tel ve bawk.
Mizo tleirawl Siami chuan, " IOA-in cheng nuai hnih min pe hi ka lawm a, Mizoram sawrkarin pawisa tam tak min pe tih ka hriatin ka lawm tak meuh meuh bawk a. Award te pawh MYC ten min hlan tih ka hre leh zel bawk a, ka lawm tak zet a ni. Youth Olympic Games awm turah India aiawhin ka tel leh dawn a, Mizo mipuite leh India tan medal lak ngei ka tum a, min tawngtaipui turin ka sawm che u" a ti.
Pathianni vek khan Siami hian Youth Olympic atana camp an neihna Bhopal a pan lehnghal a, Oct.19, 2018-ah Mizorama a lo haw theih beisei a ni.
No comments:
Post a Comment
COMMENT RAWH