US President Donald Trump zawngin chanchin a ngah mawlh mawlh e! Kum hnih awrh a President nih chhungin, a chanchin kaih hnawih ziakna leh amah demna leh beihna lam hawi lehkhabu a chhuak nual ta mai. Pa dangdai leh ropui, mi pakhat chu a ni tih a entirna a tihtheih awm e. Michael Wolf khan “Fire and Fury” tih a ziak khan sawi laih laih a tling a, mahse, President Trump chu a kal ngaiin a “Saipui kal ngut ngut” thova.
Sept 11 hian Watergate Scandal lo chhuia President Richard Nixon a chet chhiat dan lo ziak chiam tawhtu, kum 1971 atanga The Washington Post chanchinbu Associate Editor thin leh lehkhabu ziak nualtu Bob Woodward chuan “FEAR: Trump in the White House” tih, phek 448 a chhah a ziak chu a release dawn ta. 9/11 a New York City a Twin Tower (World Trade Center) beihna ni ber kher, release ni atan an thlang hian “Fear” tih chu a inhmeh viau awm e.
He lehkhabu chhung thute hi White House thupuangtu Sarah Huckabee chuan, “Thu phuah belh (fabricated) leh dawt awm nualna a ni” tiin a sawisel tawh a ni. He lehkhabuah hian President Trump a tawngkam thenkhat niawm tak, a Commerce Secy Wilber Ross chu “Ka ring lo che, i hun lo kal tawh thlirin” tih te, White House Chief Strategist hlui Steve Bannon chu “Sazu te reuh” (little rat) tiin a koh tih te, White House Chief of Staff Gen. John Kelly chuan, White House chu “Crazytown” tiin a sawi tihte, Pu ber Donald Trump chu “idiot” tiin a sawi tihte a chuang leh ta nuk mai.
Bob Woodward chuan Trump Admin chu a puhchhe hle a, “hriatna kimchanglo” (nervous breakdown) tihialin a ko bawk. Tin, kum 2017 April thlaa Syrian President Bashar al-Assad an a mipuite chemical weapons hmanga beia puh a nih khan, President Trump chuan a Defense Secy James Mattis bulah, “Assad chu kahhlum ka duh a ni” (Let’s fucking kill him! Let’s go in...) a ti a, James Mattis chu a pu thurawn chu a hnial a, chumi aiah Assad a khawihlo zawngin missile strikes an nei ta zawk a ni, tihte a ni.
Bob Woodward hian a thawhpui Carl Bernstein nen kum 1970’s chhova Watergate scandal chu chhui chhovin, an ziak nasa a, President Richard Nixon chuan Aug 4, 1974 ah a ban phah ta nge nge a nih kha.
Author: CT Lalrinawma
Sept 11 hian Watergate Scandal lo chhuia President Richard Nixon a chet chhiat dan lo ziak chiam tawhtu, kum 1971 atanga The Washington Post chanchinbu Associate Editor thin leh lehkhabu ziak nualtu Bob Woodward chuan “FEAR: Trump in the White House” tih, phek 448 a chhah a ziak chu a release dawn ta. 9/11 a New York City a Twin Tower (World Trade Center) beihna ni ber kher, release ni atan an thlang hian “Fear” tih chu a inhmeh viau awm e.
He lehkhabu chhung thute hi White House thupuangtu Sarah Huckabee chuan, “Thu phuah belh (fabricated) leh dawt awm nualna a ni” tiin a sawisel tawh a ni. He lehkhabuah hian President Trump a tawngkam thenkhat niawm tak, a Commerce Secy Wilber Ross chu “Ka ring lo che, i hun lo kal tawh thlirin” tih te, White House Chief Strategist hlui Steve Bannon chu “Sazu te reuh” (little rat) tiin a koh tih te, White House Chief of Staff Gen. John Kelly chuan, White House chu “Crazytown” tiin a sawi tihte, Pu ber Donald Trump chu “idiot” tiin a sawi tihte a chuang leh ta nuk mai.
Bob Woodward chuan Trump Admin chu a puhchhe hle a, “hriatna kimchanglo” (nervous breakdown) tihialin a ko bawk. Tin, kum 2017 April thlaa Syrian President Bashar al-Assad an a mipuite chemical weapons hmanga beia puh a nih khan, President Trump chuan a Defense Secy James Mattis bulah, “Assad chu kahhlum ka duh a ni” (Let’s fucking kill him! Let’s go in...) a ti a, James Mattis chu a pu thurawn chu a hnial a, chumi aiah Assad a khawihlo zawngin missile strikes an nei ta zawk a ni, tihte a ni.
Bob Woodward hian a thawhpui Carl Bernstein nen kum 1970’s chhova Watergate scandal chu chhui chhovin, an ziak nasa a, President Richard Nixon chuan Aug 4, 1974 ah a ban phah ta nge nge a nih kha.
Author: CT Lalrinawma
No comments:
Post a Comment
COMMENT RAWH