Persons with Disabilities (PwD) Commissioner, Dr. Lalnunthara’n rualbanlote tana sorkar hna hauhsak chungchangah chak taka hmalak mek a ni tih a sawi.
Vawiina Kolkata-a National Atlas & Thematic Mapping Organisation leh Indian National Cartographic Association tangkawpin Durtlanga Special Blind School naupangte tana National Quiz competition leh Thematic mapping an buatsaih a hmanpuina Dr. Lalnunthara chuan rualbanlote tana sorkar hna hauhsak chungchangah hian Delhi atangin mi thiam pahnih chahchhuah tum mek niin, anni hian September 25 leh 26 hian sorkar official-te training pe tura ruahman a ni tih a sawi.
PwD Commissioner chuan sorkar hnathawk zinga beng tha lote tan damdawi ina awm kher ngai lova MR an bill theihna tur ngaihtuah mek a nih thu leh Right to Persons with Disabilities Act leh Rules te Mizo tawnga dah turin hmalak mek a ni a, tunah hian chhut turin Press-ah dah mek a ni tih a sawi.
National Quiz competition leh Thematic mapping-ah hian mitdel zirlaite chu an zirlai bakah general knowledge leh map hmanga ram leh thil nihphung awm dan hrang hrang inhriatsiak hmanga ineltir an ni a. Kolkatta-a National Atlas & Thematic Mapping Organisation Hqrs. atanga lo kal, Dr. Sweeta Banerjee-in naupangte hi zawhna chi hrang hrang a zawt a ni.
Special Blind School, Durtlanga hotute chuan tunah hian zirlai 28 an nei mek tih an sawi.
No comments:
Post a Comment
COMMENT RAWH