RAN CHHAWRA CHHAWR NIA INNGAI MTUM-IN SEPT. 17, 2018 THLENG SORKAR NGHAK DAWN

NTUM Joint Action Committee chuan sorkara Muster Roll-a thawkte chu sorkar chuan ran chhawrin a chhawr nia inngaiin sorkara an thil dil mek, Muster Roll-te tan skill upgrade-na dan leh pay revision chu karleh Zirtawpni (September 17, 2018) thlenga sorkarin a tihpuitlinsak loh chuan na zawka nawr an tum a, MR-te lo inring turin an hriattir.

NTUM JAC chuan an hun tiam thlenga sorkarin an thil phut a tihlawhtling lo a nih chuan an thil dil an hlawhtlin ngei theih nan an thiam ang angin chet lak an tum tih an sawi a, department hrang hranga MR-te hi inring turin an hriattir a ni.

Vawiina thuchhuah an siamah NTUM JAC chuan sorkar tan an thatlai hun zawng zawnga an thawk a, hlawh chiah hmuin an hnathawh/duty lai pawhin chesualin boral mah se, engmah hamthatna hmuh an nei lo niin an insawi a, “Sorkarin MR-te a chhawr dan hi dan mit atanga thlir chuan ran chhawra chhawr” niin an inngai tih an sawi.

Sorkarin an thil phut hi a tihpuitlinsak lova an hun tiam a rala an chet hunah, mipuiin harsatna, a bikin tui, electric leh office hrang hrangah harsatna an tawk dawn tih sawiin, “Mipuite hriatthiamna NTUM JAC chuan a ngen lawk a ni,” an ti.

- Source.Lunglen