Keini Kristiante leh Muslim ho hian inanna deuh kan nei a, chu chu kan lehkhabu thianghlim ve ve Bible leh Koran, a zau thei ang bera theh darha, a nasa thei ang ber ram lak a ni a. Chutianga ti tur chuan he’ng lehkhabu pahnihte hian a zuitute hi an phut ve ve a, keini pahnih ang thoa lehkhabu thianghlim dah pawimawh Jew ho eraw hril kher turin Torah (Thuthlung Hlui bu hmasa pangte) hian a phut lo a ni maithei; an la lûngrun ve lutuk lem lo. Thu hril hi a har angreng khawp a, mi thinlung hneh tura hril phei chu har tak a ni ang.
English chauh pawha lehlin dan chi hrang zakua vel awm sap tawng Bible-hoah hian thumal nuai riat vel a awm tlangpui a, a thawnthu zawnga chhiar changte neih deuh loh phei chuan inthlahchhawng chanchinte hi ninawm duh angreng tak a ni. Koran pawh hi Thuthlung Thar bu ai pawha a pan zawk chungin mi tam tak chuan Bible aiin hriatthiam a har a, mut tichhuak zawk fê-ah an ngai ve lehchhawng bawk.
Chuti chung chuan Bible hi kumtin, copy maktaduai khat chuang hralh emaw sem chhuah nia sawi a ni a, America bikah chauh khuan kum khatah dollar maktaduai 500 vel man hralh țhin niin Gideon International phei hi chuan second-tin an sem chhuak a, Bible hrim hrima hi tawng chi hrang 2500 vela lehlin niin khawvel mihring 95% vel hi a dap chhuak a ni.
Koran (a chhama chham, “Recitation” tihna) pawh hi Islam sakhaw lehkhabu serh ber a ni ve bawk a, en loa chham theite aia Muslim khawvela ngaihsan hlawh an awm chuang bik lo. Koran chham hi Muslim zirtirna ruhrel pawimawh berte zinga mi a ni a, Hafiz an tih mai, en loa Koran sawi chhuak theite phei chu dah sang vâi vai tak an ni. Hafiz chu Muslim ruhkawl Iran ramahte phei chuan University degree neih chawpchilh nghalna a ni a, an zing rau rauah pawh hian intihsiaknate awm țhinin mi sang tam takin an ngaithla țhup thin. Hetia intihsiak hi Islam khawvelah chuan an world cup ve a ni hawt a, champion-in a chham chhuahna CD te chu hralh a kal thei pup pup țhin hle.
Keini Kristianna dawn ve tirh kum 1900 chhoah khan khawvela Kristian 80% vel hi Europe leh US-ah an awm a, Islam erawh Arab leh South-East Asia lamah an hlawm ve thung. Vawiinah chuan ram hrang hrangah kan țai darh ta a, a ni hmasa ho an dak mek laiin a hnuhnung apiangin kan la urhsun zawk zel emaw tih tur a ni. Scotland aiin Ghana-ah Presbyterian an inkhawm taima zawk fe tawh a, England-ah pawh Anglican Kristiante aiin Muslim ho an tak mah tawh zawk bawk.
Bible leh Koran hmanga ram lak kawngah hian Kristian leh Muslim-te hian thiamna sang zel hi kan hmang țangkai dun viau a, kan Missionary te țheuh pawhin an thawhhlawk dun hle hlawm. Kristian bikah vawiina Missionary thawn chhuak tam ber ram chu South Korea niin Bible thawn chhuak nasa bertu pawh Brazil leh South Korea tho khi an ni a, khawvel pum leh ram chhunga inzawmkhawm society hrang hrang 140 vel inphan țuak mai chuan a pui a pang, a tar a zûrin, mitinin mahni Bible țheuh kan neih theih nan hma an la mup mup mai a ni. Chu’ng zinga hraw ber American Bible Society phei khu chuan sakhaw ngaihsak lo China tan ringawt khian Bible copy maktaduai tel a siamsak tawh nghe nghe.
Muslim ho America ve Saudi Arabia khuan a tuialhthei hausakna hmangin Koran hi a theh darh nasa hle bawk a, Muslim World League emaw mimal billionaire te țhahnemngaihnain kum khatah copy maktaduai thumte a thawn chhuak ve bawk. Anni hian khawvel ram hrang hranga Mosque leh Islam Society-ahte an thawn chhuak reng a, internet lamah ni se Kristian tana Go Bible MP3 a awm ang deuh hian FreeKoran.com tih angrengah inpho chhuakin kar khat chhung lekin Koran bu a chah thlen ve zung zung theih tho bawk.
Saudi hausakna hmanga Koran theh darh a ni hian Kristian leh Muslim inkar khi a tizau telh telha ngaih a ni a, tun hma ațanga Muslim zirtirna, Koran hian Chanchințha leh Torah a pawm ve ve a, vanram kalkawng a ni ve bawk tihte chu Muhammad-a kha Zawlnei hnuhnung ber a nih angin Kristian-te leh Juda te hian chhandamna kawng an kawhhmuh ve thei lo ti zawngin an thluk leh daih tawh.
Muslim tladarh leh an missionary te hian ram kilkhawr ber ber an dap chhuak ve mek bawk a, Kristian te'n khawvel huap anga kohhran hrang hrang inzawmkhawm pawl kan nei ang deuh hian Tablighi Jamaat an tihte pawh an nei ve bawk a. Anni ho hi Mohammed-a style lain țhuilohkawr var leh savun vawthlep nen an inthuam țhin nghe nghe a, ram hrang hrangah an zin chhuak ve țhin. India leh Pakistan-a an khawmpuite phei chu mi sing tam takin an chhim țhin a ni.
TV lamah ni se chanchințha channel (hril inang lo deuh nuaih!) en tur kan nei thluah ang hian an nei ve tho bawk a, keini’n Benny Hinn-a, Joel Olsteen-a, Billy Graham-a leh midang kan nei ang hian Koran leh Hadith chauh ni lo Bible leh Mahabharata thlenga țawng chi hrang eng emaw zaha sawi pup pup thei Zakir naik-a leh a enkawl Comparative Religion Peace TV te, Islamic Research Foundation te bakah pa ti ti thiam tirhkoh Yusuf Estes-a te, Nouman Ali Khan-a tih angreng an nei ve dûm bawk.
Zakir-ate’n Peace TV an han ti țhin tak nain Kristian leh Islam sakhaw pahnih inngheng reng si hi hmakhawsang ata tawha intâi reng mai kan ni a. Saudi Arabia khuan an rama Bible lei leh hralh an khap bur laiin Kristian thuhriltu larte chuan “10/40 Window” an tih mai Africa leh Asia khawthlang lam, Equator hmar lama 10 leh 40 latitude inkara Islam ramte hi “Ram Thim”-ah an puang ve chamchi bawk si a, kan inhmu thim tawn ve ve viau a ni ber. Texas-a Southwestern Baptist Theological Seminary phei chuan Muslim-ho inlehtir dan tur hrim hrim training te pawh an nei țhin a ni awm e!
Tun kum zabi 21-naah hian Kristian tluklehdingawn hnih vel awmin Muslim lam hi tluklehdingawn khat leh a chanve an awm mek ve bawk a, kum zabi liam taah khan Muslim lam hi an pung chak zawk thung. Kristian bupui an tih mai thin Europe lamah kan da hret hret a, kum 2050-ah chuan min lehpel ngei dawn nia ngaih a ni.
Chutih rual chuan firfiak pawl hrang hrang lama an intodelh ta lutuk hian an chanchințha ve hril darh kawngah harsatna an tawh phah nasa ve hle a ni awm a, Koran bu sem darh pawh Bui lung tawk ang chauh a ni chang a awm fô bawk a ni awm e (Mohammed-a missionary te lu pawh hi a lo hai ve viau țhin a ni awm e). Kum 2001-a WTC beih a nih hnu phei kha chuan charity lama an sum thawh pawh a pung mawh zual a, an missionary pawl pakhat Tablighi Jamaat te phei chuan khawthlang ram intelligence te enthlak an tawk chamchi nen, an beisei ang phut phut chuan an che hleithei bik lo.
Eng emaw chenah Kristian lam hi kan chan a la țha zawk hret niin a la lang rih a, Kristian zirtirna kaihhnawih lehkhabu siamtu kan la nei hrawl hle. Chu’ng zingah chuan Scotland lam chhuak, kumtin țawng chi hrang sawmruk vela Bible tichhuaktu Thomas Nelson firm leh Hollywood star-te nen lama hmang țangkai thiam tak Zondervan te awmin anni hian a kawm pawh chi hrang hrang, indona hmuna chhiar tur ramrawng thlengin an tichhuak a, kawtthlera mi dukdak vak lote pawhin eng emaw nia an la inhmuhchhuah phah nan tal tiin țawng tuallenga ziak Bible,
“And even though I walk through,
The Hood of death;
I don't back down,
For you have my back” (let ve mai te’u!)
thlengin an tichhuak a ni.
Kristiante kan vanneihna dang leh chu America kan nei hi a ni a, khawvela ram ropui ber a nih piah lamah thuhriltu sang eng emaw zah a nei a. Khawvel huap anga chanchințha hril darhna kawngah a thawhhlawk em em reng a, ziak leh chhiar thiam lo an ngah baka internet hmang tlem em em Arab khawvel aiin kan dinhmun a la țha zawk hle. Sakhaw zalenna rama awm kan ni deuh zel hi kan vanneihna pakhat a ni leh bawk a, Islam sakhaw hmanga sawrkar din Saudi Arabia angah te chuan Ministry of Islamic Affairs, Endowment, Call and Guidance te nei țutin he Ministry-ah hian Muslim puithiam hnathawk singsarih rual an awm nghe nghe. Islam lo sakhaw dang lak luh pawh khap niin Pakistan, Sudan leh ram dang, heti lama khirh fe fe an la awm nual bawk.
Țawng chi hranga ziak lamah pawh Muslim ho hian hma an la thui lo hle zawk a, Koran hi English-a leh chi hrang sawmhnih vel chu an nei ve a ni awm e. Mohammed-a kha ziak leh chhiar thiam lo a nih miau avangin hei erawh thil mak lutuk a ni lo maithei thung!
American ho bawk khuan Bible hi an lei nasa a, mi vantlang intinah khuan Bible pathum awm anga chhut a nih laiin hriatna lamah erawh an pachhe ve hle. Zir chiangtu pakhat Gallup survey an tihah chuan America ram mipui chanve dawn khuan Bible-a bu hmasa ber chu Genesis a nih an hre tawh loa, tlâng chunga thusawitu kha Billy Graham-a emaw ti ta mai mai te pawh an kat nuk a ni. Easter Sunday an hman chhan hre mang si loa Artui chei nuam ti viau si hi hmun li-a țhena hmun khat vel an ni tawh bawk. Chu mai a la ni loa, Thusawm Pek chanve pawh sawi chhuak thei lo hi American mipui 60% vel an awm tawh a, Noa nupui chu France heroine Joan of Arc-i emaw ti ta mai maite awmin, thuhriltu lar George Gallup-a phei chuan, “Bible mausam hnam kan ni tawh.” (nation of biblical illiterates) a ti hial a ni.
Muslim lam pawh hi an talbuai ru ve hle tho a, Koran țawng bulthum Arabic ngeia ziak leh chhiar duh tam tak awm mah se Arab rama Muslim 20% vel chauh khu Arabic țawng hmang an awm tawh. Chu a chhapah Muslim ram tia sawi tur tam zawk hi ram hnuaihnung an nih deuh zel avangin lehkha thiam lo an la tam hle a, an sawi zuah zuah tam tak hi an chhiar thei lo fo.
Abrahama rila rah "Abrahamic Faith" an tih mai sakhaw pahnihah hian tunge la dingchang zawk dawn, hriatthiam a har hle rih a nih hi.
Kima Sailo
English chauh pawha lehlin dan chi hrang zakua vel awm sap tawng Bible-hoah hian thumal nuai riat vel a awm tlangpui a, a thawnthu zawnga chhiar changte neih deuh loh phei chuan inthlahchhawng chanchinte hi ninawm duh angreng tak a ni. Koran pawh hi Thuthlung Thar bu ai pawha a pan zawk chungin mi tam tak chuan Bible aiin hriatthiam a har a, mut tichhuak zawk fê-ah an ngai ve lehchhawng bawk.
Chuti chung chuan Bible hi kumtin, copy maktaduai khat chuang hralh emaw sem chhuah nia sawi a ni a, America bikah chauh khuan kum khatah dollar maktaduai 500 vel man hralh țhin niin Gideon International phei hi chuan second-tin an sem chhuak a, Bible hrim hrima hi tawng chi hrang 2500 vela lehlin niin khawvel mihring 95% vel hi a dap chhuak a ni.
Koran (a chhama chham, “Recitation” tihna) pawh hi Islam sakhaw lehkhabu serh ber a ni ve bawk a, en loa chham theite aia Muslim khawvela ngaihsan hlawh an awm chuang bik lo. Koran chham hi Muslim zirtirna ruhrel pawimawh berte zinga mi a ni a, Hafiz an tih mai, en loa Koran sawi chhuak theite phei chu dah sang vâi vai tak an ni. Hafiz chu Muslim ruhkawl Iran ramahte phei chuan University degree neih chawpchilh nghalna a ni a, an zing rau rauah pawh hian intihsiaknate awm țhinin mi sang tam takin an ngaithla țhup thin. Hetia intihsiak hi Islam khawvelah chuan an world cup ve a ni hawt a, champion-in a chham chhuahna CD te chu hralh a kal thei pup pup țhin hle.
Keini Kristianna dawn ve tirh kum 1900 chhoah khan khawvela Kristian 80% vel hi Europe leh US-ah an awm a, Islam erawh Arab leh South-East Asia lamah an hlawm ve thung. Vawiinah chuan ram hrang hrangah kan țai darh ta a, a ni hmasa ho an dak mek laiin a hnuhnung apiangin kan la urhsun zawk zel emaw tih tur a ni. Scotland aiin Ghana-ah Presbyterian an inkhawm taima zawk fe tawh a, England-ah pawh Anglican Kristiante aiin Muslim ho an tak mah tawh zawk bawk.
Bible leh Koran hmanga ram lak kawngah hian Kristian leh Muslim-te hian thiamna sang zel hi kan hmang țangkai dun viau a, kan Missionary te țheuh pawhin an thawhhlawk dun hle hlawm. Kristian bikah vawiina Missionary thawn chhuak tam ber ram chu South Korea niin Bible thawn chhuak nasa bertu pawh Brazil leh South Korea tho khi an ni a, khawvel pum leh ram chhunga inzawmkhawm society hrang hrang 140 vel inphan țuak mai chuan a pui a pang, a tar a zûrin, mitinin mahni Bible țheuh kan neih theih nan hma an la mup mup mai a ni. Chu’ng zinga hraw ber American Bible Society phei khu chuan sakhaw ngaihsak lo China tan ringawt khian Bible copy maktaduai tel a siamsak tawh nghe nghe.
Muslim ho America ve Saudi Arabia khuan a tuialhthei hausakna hmangin Koran hi a theh darh nasa hle bawk a, Muslim World League emaw mimal billionaire te țhahnemngaihnain kum khatah copy maktaduai thumte a thawn chhuak ve bawk. Anni hian khawvel ram hrang hranga Mosque leh Islam Society-ahte an thawn chhuak reng a, internet lamah ni se Kristian tana Go Bible MP3 a awm ang deuh hian FreeKoran.com tih angrengah inpho chhuakin kar khat chhung lekin Koran bu a chah thlen ve zung zung theih tho bawk.
Saudi hausakna hmanga Koran theh darh a ni hian Kristian leh Muslim inkar khi a tizau telh telha ngaih a ni a, tun hma ațanga Muslim zirtirna, Koran hian Chanchințha leh Torah a pawm ve ve a, vanram kalkawng a ni ve bawk tihte chu Muhammad-a kha Zawlnei hnuhnung ber a nih angin Kristian-te leh Juda te hian chhandamna kawng an kawhhmuh ve thei lo ti zawngin an thluk leh daih tawh.
Muslim tladarh leh an missionary te hian ram kilkhawr ber ber an dap chhuak ve mek bawk a, Kristian te'n khawvel huap anga kohhran hrang hrang inzawmkhawm pawl kan nei ang deuh hian Tablighi Jamaat an tihte pawh an nei ve bawk a. Anni ho hi Mohammed-a style lain țhuilohkawr var leh savun vawthlep nen an inthuam țhin nghe nghe a, ram hrang hrangah an zin chhuak ve țhin. India leh Pakistan-a an khawmpuite phei chu mi sing tam takin an chhim țhin a ni.
TV lamah ni se chanchințha channel (hril inang lo deuh nuaih!) en tur kan nei thluah ang hian an nei ve tho bawk a, keini’n Benny Hinn-a, Joel Olsteen-a, Billy Graham-a leh midang kan nei ang hian Koran leh Hadith chauh ni lo Bible leh Mahabharata thlenga țawng chi hrang eng emaw zaha sawi pup pup thei Zakir naik-a leh a enkawl Comparative Religion Peace TV te, Islamic Research Foundation te bakah pa ti ti thiam tirhkoh Yusuf Estes-a te, Nouman Ali Khan-a tih angreng an nei ve dûm bawk.
Zakir-ate’n Peace TV an han ti țhin tak nain Kristian leh Islam sakhaw pahnih inngheng reng si hi hmakhawsang ata tawha intâi reng mai kan ni a. Saudi Arabia khuan an rama Bible lei leh hralh an khap bur laiin Kristian thuhriltu larte chuan “10/40 Window” an tih mai Africa leh Asia khawthlang lam, Equator hmar lama 10 leh 40 latitude inkara Islam ramte hi “Ram Thim”-ah an puang ve chamchi bawk si a, kan inhmu thim tawn ve ve viau a ni ber. Texas-a Southwestern Baptist Theological Seminary phei chuan Muslim-ho inlehtir dan tur hrim hrim training te pawh an nei țhin a ni awm e!
Tun kum zabi 21-naah hian Kristian tluklehdingawn hnih vel awmin Muslim lam hi tluklehdingawn khat leh a chanve an awm mek ve bawk a, kum zabi liam taah khan Muslim lam hi an pung chak zawk thung. Kristian bupui an tih mai thin Europe lamah kan da hret hret a, kum 2050-ah chuan min lehpel ngei dawn nia ngaih a ni.
Chutih rual chuan firfiak pawl hrang hrang lama an intodelh ta lutuk hian an chanchințha ve hril darh kawngah harsatna an tawh phah nasa ve hle a ni awm a, Koran bu sem darh pawh Bui lung tawk ang chauh a ni chang a awm fô bawk a ni awm e (Mohammed-a missionary te lu pawh hi a lo hai ve viau țhin a ni awm e). Kum 2001-a WTC beih a nih hnu phei kha chuan charity lama an sum thawh pawh a pung mawh zual a, an missionary pawl pakhat Tablighi Jamaat te phei chuan khawthlang ram intelligence te enthlak an tawk chamchi nen, an beisei ang phut phut chuan an che hleithei bik lo.
Eng emaw chenah Kristian lam hi kan chan a la țha zawk hret niin a la lang rih a, Kristian zirtirna kaihhnawih lehkhabu siamtu kan la nei hrawl hle. Chu’ng zingah chuan Scotland lam chhuak, kumtin țawng chi hrang sawmruk vela Bible tichhuaktu Thomas Nelson firm leh Hollywood star-te nen lama hmang țangkai thiam tak Zondervan te awmin anni hian a kawm pawh chi hrang hrang, indona hmuna chhiar tur ramrawng thlengin an tichhuak a, kawtthlera mi dukdak vak lote pawhin eng emaw nia an la inhmuhchhuah phah nan tal tiin țawng tuallenga ziak Bible,
“And even though I walk through,
The Hood of death;
I don't back down,
For you have my back” (let ve mai te’u!)
thlengin an tichhuak a ni.
Kristiante kan vanneihna dang leh chu America kan nei hi a ni a, khawvela ram ropui ber a nih piah lamah thuhriltu sang eng emaw zah a nei a. Khawvel huap anga chanchințha hril darhna kawngah a thawhhlawk em em reng a, ziak leh chhiar thiam lo an ngah baka internet hmang tlem em em Arab khawvel aiin kan dinhmun a la țha zawk hle. Sakhaw zalenna rama awm kan ni deuh zel hi kan vanneihna pakhat a ni leh bawk a, Islam sakhaw hmanga sawrkar din Saudi Arabia angah te chuan Ministry of Islamic Affairs, Endowment, Call and Guidance te nei țutin he Ministry-ah hian Muslim puithiam hnathawk singsarih rual an awm nghe nghe. Islam lo sakhaw dang lak luh pawh khap niin Pakistan, Sudan leh ram dang, heti lama khirh fe fe an la awm nual bawk.
Țawng chi hranga ziak lamah pawh Muslim ho hian hma an la thui lo hle zawk a, Koran hi English-a leh chi hrang sawmhnih vel chu an nei ve a ni awm e. Mohammed-a kha ziak leh chhiar thiam lo a nih miau avangin hei erawh thil mak lutuk a ni lo maithei thung!
American ho bawk khuan Bible hi an lei nasa a, mi vantlang intinah khuan Bible pathum awm anga chhut a nih laiin hriatna lamah erawh an pachhe ve hle. Zir chiangtu pakhat Gallup survey an tihah chuan America ram mipui chanve dawn khuan Bible-a bu hmasa ber chu Genesis a nih an hre tawh loa, tlâng chunga thusawitu kha Billy Graham-a emaw ti ta mai mai te pawh an kat nuk a ni. Easter Sunday an hman chhan hre mang si loa Artui chei nuam ti viau si hi hmun li-a țhena hmun khat vel an ni tawh bawk. Chu mai a la ni loa, Thusawm Pek chanve pawh sawi chhuak thei lo hi American mipui 60% vel an awm tawh a, Noa nupui chu France heroine Joan of Arc-i emaw ti ta mai maite awmin, thuhriltu lar George Gallup-a phei chuan, “Bible mausam hnam kan ni tawh.” (nation of biblical illiterates) a ti hial a ni.
Muslim lam pawh hi an talbuai ru ve hle tho a, Koran țawng bulthum Arabic ngeia ziak leh chhiar duh tam tak awm mah se Arab rama Muslim 20% vel chauh khu Arabic țawng hmang an awm tawh. Chu a chhapah Muslim ram tia sawi tur tam zawk hi ram hnuaihnung an nih deuh zel avangin lehkha thiam lo an la tam hle a, an sawi zuah zuah tam tak hi an chhiar thei lo fo.
Abrahama rila rah "Abrahamic Faith" an tih mai sakhaw pahnihah hian tunge la dingchang zawk dawn, hriatthiam a har hle rih a nih hi.
Kima Sailo
I ngaihnawmon a bengvar thlak e.
ReplyDelete