🌎🌎🥗🌹🥗🌎
CHHURBURA runah YMA Gen.Conference hmang dawn.
Naktip maia tan tur October ni 15-17, 2019 chhunga YMA General Conference vawi 72-na thlengtu tur North Vanlaiphai khaw mipuite inbuatsaihna chuan a vawrtawp a thleng chho mek ta.North Vanlaiphai hi In 1000 vel awmna khua a ni a, chhungkaw tinte chu YMA General Conference an thlen turah hian an inbuatsaih nasa hle tawh ani. An in te chei tha in, mikhual riahna turte an siam belh a, inthiarna te pawh an siam belh teuh a, mikhual tam tak dawl zo ngei turin an inbuatsaih nasa hle.
Chhungkaw eng emaw zatin mikhualte eitur vawk leh ar talh tur an vulh lawk a, sawrkar in buhfai thahnem tak chu a khaw mite a pechhuak tawh a. PHE leh Water and Sanitation Committee lamin ruahmanna tha tak an duang fel tawh a ni.
YMA General Conference Organising Committee leh an hnuaia Committee peng hrang hrangte chuan an mahni hmazawn theuh a hna pawimawhte an thawk chho mawlh mawlh zel a. A hun a thlen huna tluang taka hna an hlenchhuah ngei theih nân an theih tawka tha in ruahmanna pawh an duang uluk tlâng hle tawh a ni.
Pandal hi August 20, 2019 khan sak tan a ni a. Pandal hi a dung 150 feet, a vâng 120 feet a zau a sak a ni a. A structure leh a chung rangva hi Central YMA ta a ni a. Khawmpui pandal sak leh a chung chih hi M/s X-Deco Enterprise, Aizawl ten contract in an thawk a. A bâk zawng hi mipui tlawmngai ten hnatlangin an thawk a, pandal chhungah hian mi 4000 chuang an thu leng thei tura ruahman a ni.Pandal hming atan Mizo mipuite lawm hlawh em em Vanlaiphai zawl vaw zawl vektu nia sawi thin mizo milar Chhura hming chawia phuah a ni.
Mipuiten September thla laihawl atang khan an hnatlang tan a. Pandal Committee te ruahmannain, N. Vanlaiphai khaw chhunga YMA Branch ten an in hnatlan chhawk a, Zan lamah te pawh hnatlangin,a cheimawi lam leh thutthleng rem hna te an thawk thin a, High School zirlai thahnem tak ten hnatlangin an rawn thawkchhuak bawk a, mi tlawmngai leh inpe thahnem tak an hnatlang reng bawk a ni.
Khaw thenawm, Bawktlang, Chekawn, Lungchhuan, Lungkawlh leh Sailulak atangin YMA member ten hnatlangin an pui a. Sub-Headquarters YMA, Serchhip atangin hnatlangin an pui bawk. Tin, Tuichangral South Group YMA hnuaia YMA Branch hrang hrang ten sum leh paiin Pandal sak an pui bawk a ni.
Pandal chhehvêlah hian dawr eng emaw zat a awm ang a. thlalak phochhuahna exhibition house leh Legal Cell te awareness campaign neihna tur in te sak a ni a. Office hrang hrang awm turte chu Information Office, Reception office, Medical office te leh Central YMA office leh Sub-Headquarters YMA tin te office te a ni.
North Vanlaiphai mipuite chuan Conference ah hian a tam thei ang ber kal turin Mizoram chhung leh pawna YMA member te an sàwm a, an khaw kalkawng hi tha lutuk chu ni lo mahse pangai tak a ni a, lirthei eng chi pawh a kal reng theih thu dawn a ni a.Aizawl atangin dar kar 6 vel motor a tlan phak lek a ni e.
Tluanga chhakchhuak
CHHURBURA runah YMA Gen.Conference hmang dawn.
Naktip maia tan tur October ni 15-17, 2019 chhunga YMA General Conference vawi 72-na thlengtu tur North Vanlaiphai khaw mipuite inbuatsaihna chuan a vawrtawp a thleng chho mek ta.North Vanlaiphai hi In 1000 vel awmna khua a ni a, chhungkaw tinte chu YMA General Conference an thlen turah hian an inbuatsaih nasa hle tawh ani. An in te chei tha in, mikhual riahna turte an siam belh a, inthiarna te pawh an siam belh teuh a, mikhual tam tak dawl zo ngei turin an inbuatsaih nasa hle.
Chhungkaw eng emaw zatin mikhualte eitur vawk leh ar talh tur an vulh lawk a, sawrkar in buhfai thahnem tak chu a khaw mite a pechhuak tawh a. PHE leh Water and Sanitation Committee lamin ruahmanna tha tak an duang fel tawh a ni.
YMA General Conference Organising Committee leh an hnuaia Committee peng hrang hrangte chuan an mahni hmazawn theuh a hna pawimawhte an thawk chho mawlh mawlh zel a. A hun a thlen huna tluang taka hna an hlenchhuah ngei theih nân an theih tawka tha in ruahmanna pawh an duang uluk tlâng hle tawh a ni.
Pandal hi August 20, 2019 khan sak tan a ni a. Pandal hi a dung 150 feet, a vâng 120 feet a zau a sak a ni a. A structure leh a chung rangva hi Central YMA ta a ni a. Khawmpui pandal sak leh a chung chih hi M/s X-Deco Enterprise, Aizawl ten contract in an thawk a. A bâk zawng hi mipui tlawmngai ten hnatlangin an thawk a, pandal chhungah hian mi 4000 chuang an thu leng thei tura ruahman a ni.Pandal hming atan Mizo mipuite lawm hlawh em em Vanlaiphai zawl vaw zawl vektu nia sawi thin mizo milar Chhura hming chawia phuah a ni.
Mipuiten September thla laihawl atang khan an hnatlang tan a. Pandal Committee te ruahmannain, N. Vanlaiphai khaw chhunga YMA Branch ten an in hnatlan chhawk a, Zan lamah te pawh hnatlangin,a cheimawi lam leh thutthleng rem hna te an thawk thin a, High School zirlai thahnem tak ten hnatlangin an rawn thawkchhuak bawk a, mi tlawmngai leh inpe thahnem tak an hnatlang reng bawk a ni.
Khaw thenawm, Bawktlang, Chekawn, Lungchhuan, Lungkawlh leh Sailulak atangin YMA member ten hnatlangin an pui a. Sub-Headquarters YMA, Serchhip atangin hnatlangin an pui bawk. Tin, Tuichangral South Group YMA hnuaia YMA Branch hrang hrang ten sum leh paiin Pandal sak an pui bawk a ni.
Pandal chhehvêlah hian dawr eng emaw zat a awm ang a. thlalak phochhuahna exhibition house leh Legal Cell te awareness campaign neihna tur in te sak a ni a. Office hrang hrang awm turte chu Information Office, Reception office, Medical office te leh Central YMA office leh Sub-Headquarters YMA tin te office te a ni.
North Vanlaiphai mipuite chuan Conference ah hian a tam thei ang ber kal turin Mizoram chhung leh pawna YMA member te an sàwm a, an khaw kalkawng hi tha lutuk chu ni lo mahse pangai tak a ni a, lirthei eng chi pawh a kal reng theih thu dawn a ni a.Aizawl atangin dar kar 6 vel motor a tlan phak lek a ni e.
Tluanga chhakchhuak
No comments:
Post a Comment
COMMENT RAWH