Prime Minister Narendra Modi leh China President Xi Jinping ten Informal Summit an neihna tur, Chennai an thleng.
Ni 2 awh tur Informal Summit thawhhnihna hi zanin atangin Mamallapuram, Chennai-ah neih a ni dawn a, Prime Minister Narendra Modi chuan vawiin chawhma khan summit neihna tur hmun hi thleng a, Tamil Nadu Governor Banwarilal Purohit, Chief Minister Edappadi K Palaniswamy leh BJP hruaituten an lo hmuak a ni.
China President Xi Jinping pawhin vawiin tlai khan Mamallapuram hi a thleng a, Prime Minister Modi nen UNESCO in hmun hmingthang a thlanchhuah zinga tel pha hmun engemawzat an tlawh dun a ni. President Xi Jinping hian Summit an neihna tur, Mamallapuram a kal hma hian Chennai Airport-ah red carpet nen ramchhung mi pawimawh ten an lo hmuak a, thalaiten hnam lam hrang hrang an entir bawk.
Informal Summit a nih angin ram pahnih hruaitute hian ram inrelbawlna chauh ni lo, an mimal ngaimawh zawngte pawh rilru inhawng takin an sawi dun dawn a ni.
Credit DDK
No comments:
Post a Comment
COMMENT RAWH