KA NU BIRTHDAY PUALIN
~ Eleazer (Tetea Hmar)
Nu te hian nau an hring ngawt a ni lo. An fa hrin tan a hun an hman dan ngaihtuahin ropui tak an ni.
Kan damthat loh in, nu ten min men pui a, kan rilru a hah changin nu te rilru a hah a. Kan thinlung a nat hunin nu te thinlung a na a. Chutiang khawp chuan inzawmna thรนk tak kan nei a ni.
Thiante thawmhnaw inbel ang kan inbel loh hlau a, hreawm pawh pawisa lova rim tak hna an thawh chang a awm fo thin.
Dawt kan sawi a, thil kan ti sual fo a mahse, Nu hmangaihna chuan min ngaidam leh mai thin. Kan sualna chu chhungkaw tlakchhiatna khawp hial pawh nise, Nu te chuan chhungkaw dinchhuahna theihna tur kawng an dap leh mai thin.
Nu te chuan fate tan tiin engkim hlan an phal a, mahni ei ai fate tan an pe phal thin. Tui taka kan muthilh hma chuan an mu ngai lova, ina kan haw hma chuan engmah an ei duh hek lo. Tam takin kan hrethiam lo fo thin.
Kan naupanlai khan natna khirh tak ka hmachhawn tawh a, ka Nu chuan mittui nen ka damna turin midang khawngaihna dilin nun hreawm tak a lo paltlang tawh a. Khatih hunlai khan hrethiam lo mah ila, tunhnua ka ngaihtuah hian ropui ka ti thin. Ka damna turin mittui luang ta lo se, vawiin hun hi ka thleng thei kher angem.
Ni e, Nu te hi chuan hmangaihna vang pawhin thil zahthlak leh zahthlak lo pawh an dawn zo lo fo va. Mahse, an ropuina ber a ni lawi si a.
Tun thlenga Nu te hmangaihna ka hriat thiam ve ngai loh tur chu. Ramdang hmun hla taka ka awm te khan chaw ka ei loh chuan ka nu rilru a nuam ngai lo va. Motor ka chuan apianga tawngtai fo tura min chah fo te, ka tel lova chawhmeh tui tak a ei ve duh hauhlo te, nitin min rawn biak ziah loh chuan a awm theih loh te kha...engtikahmah hian ka hriatthiam ka ring ngai lo.
Nu te pawimawhna leh hlutna thu tawi hrang hrang tarlang ila:
* Nu te hi kan awmna hmun apianga min venghim tura Pathian hmanrua tha tak an ni.
* Hmangaihna zawng zawng intanna leh tawpna chu Nu te hi an ni.
* A chang chuan Nu hmangaihna hian Dan khauh tak ai pawhin thil a tithei zawk fo.
* Nu te tawngkam chhuak reng reng hi Pathian atanga chhuak an thinlung chu naute ang a ni.
* Khawvel Nu zawng zawng hian ngaihdan hmunkhat nei ngat se chuan khawvelah hian indona a awm tawhlo ang.
~ Eleazer (Tetea Hmar)
Nu te hian nau an hring ngawt a ni lo. An fa hrin tan a hun an hman dan ngaihtuahin ropui tak an ni.
Kan damthat loh in, nu ten min men pui a, kan rilru a hah changin nu te rilru a hah a. Kan thinlung a nat hunin nu te thinlung a na a. Chutiang khawp chuan inzawmna thรนk tak kan nei a ni.
Thiante thawmhnaw inbel ang kan inbel loh hlau a, hreawm pawh pawisa lova rim tak hna an thawh chang a awm fo thin.
Dawt kan sawi a, thil kan ti sual fo a mahse, Nu hmangaihna chuan min ngaidam leh mai thin. Kan sualna chu chhungkaw tlakchhiatna khawp hial pawh nise, Nu te chuan chhungkaw dinchhuahna theihna tur kawng an dap leh mai thin.
Nu te chuan fate tan tiin engkim hlan an phal a, mahni ei ai fate tan an pe phal thin. Tui taka kan muthilh hma chuan an mu ngai lova, ina kan haw hma chuan engmah an ei duh hek lo. Tam takin kan hrethiam lo fo thin.
Kan naupanlai khan natna khirh tak ka hmachhawn tawh a, ka Nu chuan mittui nen ka damna turin midang khawngaihna dilin nun hreawm tak a lo paltlang tawh a. Khatih hunlai khan hrethiam lo mah ila, tunhnua ka ngaihtuah hian ropui ka ti thin. Ka damna turin mittui luang ta lo se, vawiin hun hi ka thleng thei kher angem.
Ni e, Nu te hi chuan hmangaihna vang pawhin thil zahthlak leh zahthlak lo pawh an dawn zo lo fo va. Mahse, an ropuina ber a ni lawi si a.
Tun thlenga Nu te hmangaihna ka hriat thiam ve ngai loh tur chu. Ramdang hmun hla taka ka awm te khan chaw ka ei loh chuan ka nu rilru a nuam ngai lo va. Motor ka chuan apianga tawngtai fo tura min chah fo te, ka tel lova chawhmeh tui tak a ei ve duh hauhlo te, nitin min rawn biak ziah loh chuan a awm theih loh te kha...engtikahmah hian ka hriatthiam ka ring ngai lo.
Nu te pawimawhna leh hlutna thu tawi hrang hrang tarlang ila:
* Nu te hi kan awmna hmun apianga min venghim tura Pathian hmanrua tha tak an ni.
* Hmangaihna zawng zawng intanna leh tawpna chu Nu te hi an ni.
* A chang chuan Nu hmangaihna hian Dan khauh tak ai pawhin thil a tithei zawk fo.
* Nu te tawngkam chhuak reng reng hi Pathian atanga chhuak an thinlung chu naute ang a ni.
* Khawvel Nu zawng zawng hian ngaihdan hmunkhat nei ngat se chuan khawvelah hian indona a awm tawhlo ang.
No comments:
Post a Comment
COMMENT RAWH