Mizoram sorkar-in kawlphetha leina man a pek tlai avanga Mizoram in pawisa kan chawi thlawn zat chu April 2016 leh Dec 2016 inkar thla 9 chhungin cheng vaibelchhe 11 leh nuai 31 a ni a. Hetia mipui sum tlem lo tak mai a thlawna kan chawi hem hem nachhan hi Power & Electricity Department hotuten Zonet an hrilh dan huan bill pe tura a kalkawng a thui lutuk vang an ti a ni.
An sawi dan chuan "Adminstrative approval" te, "expenditure sanction" te leh a "behbawm" dangte buaipui nan hian hapta 3 atanga hapta 4 vel a duh a, mahse CAG report in a tarlan dan chuan bill thenkhat hi hapta 3-4 vel mai pawh nilo, thla 3 atanga thla 6 vel thleng te buaipui thin a nih thu Zonet hian a tarlang a ni. He CAG report hi nikum Nov 21-a Assembly Session neihah khan ngaihtuah ho a ni.
Mizoram sorkar website in a tarlan dan chuan Power & Electricity Department-a hotu, an Secretary chu Dr.Lalzirmawia Chhangte, MCS a ni a. Finance Department hotu, an Secretary/Commissioner chu Pu Vanlalchhuanga, IA&AS a ni.
Zoram Titi whatsapp group-a tarlan dan chuan Finance Department hotute hi heng te hi an ni:
1. Pu Vanlal Chhuanga IA&AS, FC
2. Pu Lalthansanga MF&AS- Secretary
3. Pu Ramchuana MF&AS- Addl.secy
4. Pu Lalhmingmawia Sailo, MF&AS- Addl.secy
5. Pu Vanlalhuma, MF&AS- Chief Controller of Accounts
Power & Electricity Department lam hotute hi Mizoram sorkar website-a tarlan bak hi tun dinhmunah chuan kan hre mai lova, an department website-a an tarlan "thar ber" hi 2013 ami a nih avangin a rintlak tawh lova ngaih a ni.
Uluk deuhvin lo ngaihtuah ve mah teh u. Mizoram sorkarin hlawh tam tak leh hamthatna tam tak pe-a a chhawr, a rawih te chuan Mizoram mipui chanai cheng vaibelchhe 11 leh nuai 31 chu tlaw vang liau liauvin (nge corruption a tel?) a luanral tir tawp mai a nih chu! Anmahni pek tur ni se cheng khat pawh chawi belh ngai lo turin a chinfel ngai zawng zawng an chingfel vek a rinawm. An thuhla, Zonet thupuan atanga kan lo hriat hi a dik vek lo a nih pawhin a dik thawkhat turah ngai ta ila, kan sorkar hnathawk te hi an va han nikhualo em em ve? Chemtatrawta thawnthu ang maiin tuma'n mawhphurhna lak tum an awm lo niin a lang. Hetiang hi CAB/CAA tel miah lo pawha keimahni Mizo te ngeiin tuma puihna tel lova kan chinfel theih tur a ni. "Administrative reform" kan mamawhzia a tilanga a. Sawi tawh ang khan kan sorkar hnathawk te hi an tlaw takzet a, an "irresponsible" hle bawk a ni. CAG report berin a tarlan tawh te chuan sorkar hian cheng vaibelchhe 11 leh nuai 31 luan ralna hi chhui chiang se, a mawhphurtu awm zawng zawng te hi danin a phal chinah hremna pe vek se a tha ang. A nih loh chuan kan sorkar hnathawk te hian inthlahdah vang leh tlaw vang hrim hrim hian Mizoram mipui sum hi tul lovah an khawhral fo dawn tih a lang reng a ni.
Chemtatrawta thawnthu a ang kan tihna chhan chu a mawhphurtu department Power & Electricity lam hian Finance Department lamin sum an pek chhuah tlai vang an ti a. A tu hi nge tlaw zawka zahpuiawm zawk hriat a har hle. Hetiang hi private company ah thleng ta se department hotu lian te chu ban an nih loh pawhin demote an ni ngei ang.
Pu Zirmawia leh Pu Chhuanga te hi, he'ng department pahnih kan sawi hotu lian an ni a. Anni hian thil kal fellovah hian mawh an phur a nih loh chuan a mawhphurtute an zawnchhuaha, hetiang thil hi a thlen leh tawh ngai lohna tura hma an lak a tul takzet.
Tin, a tawpkhawkah chuan he'ng kan department hotute chunga awm Finance Minister leh Power & Electricity Minister te an la awm a. Anni hian an enkawl department hi an enkawl hneh lo hle tih a lang a ni. Mipui sum, hum theih reng, hetia an thuneihna hnuaia a luangral thei hi Mizoram mipui hmaa an insawifiah loh leh kan media ten insawfiah tura, ram danga journalist ten an nawr sek anga an nawr ve loh chuan chanchinthar thupuan vawikhata kan hriat hi a ral leh ringawt dawn a ni. Cheng vaibelchhe 11 leh nuai 31 khat luangral ringawt hi thil te tham lo tak a ni tih kan hriat a tha awm e.
CAG report in a sawi dan chuan Mizoram pawn atanga kawlphetha leina man pek tur hi chatlak awm lova pek tlak nghal zel tura ruahmanna siam tur a la ti ta deuh deuh a ni!
Maṭana Pachuau
An sawi dan chuan "Adminstrative approval" te, "expenditure sanction" te leh a "behbawm" dangte buaipui nan hian hapta 3 atanga hapta 4 vel a duh a, mahse CAG report in a tarlan dan chuan bill thenkhat hi hapta 3-4 vel mai pawh nilo, thla 3 atanga thla 6 vel thleng te buaipui thin a nih thu Zonet hian a tarlang a ni. He CAG report hi nikum Nov 21-a Assembly Session neihah khan ngaihtuah ho a ni.
Mizoram sorkar website in a tarlan dan chuan Power & Electricity Department-a hotu, an Secretary chu Dr.Lalzirmawia Chhangte, MCS a ni a. Finance Department hotu, an Secretary/Commissioner chu Pu Vanlalchhuanga, IA&AS a ni.
Zoram Titi whatsapp group-a tarlan dan chuan Finance Department hotute hi heng te hi an ni:
1. Pu Vanlal Chhuanga IA&AS, FC
2. Pu Lalthansanga MF&AS- Secretary
3. Pu Ramchuana MF&AS- Addl.secy
4. Pu Lalhmingmawia Sailo, MF&AS- Addl.secy
5. Pu Vanlalhuma, MF&AS- Chief Controller of Accounts
Power & Electricity Department lam hotute hi Mizoram sorkar website-a tarlan bak hi tun dinhmunah chuan kan hre mai lova, an department website-a an tarlan "thar ber" hi 2013 ami a nih avangin a rintlak tawh lova ngaih a ni.
Uluk deuhvin lo ngaihtuah ve mah teh u. Mizoram sorkarin hlawh tam tak leh hamthatna tam tak pe-a a chhawr, a rawih te chuan Mizoram mipui chanai cheng vaibelchhe 11 leh nuai 31 chu tlaw vang liau liauvin (nge corruption a tel?) a luanral tir tawp mai a nih chu! Anmahni pek tur ni se cheng khat pawh chawi belh ngai lo turin a chinfel ngai zawng zawng an chingfel vek a rinawm. An thuhla, Zonet thupuan atanga kan lo hriat hi a dik vek lo a nih pawhin a dik thawkhat turah ngai ta ila, kan sorkar hnathawk te hi an va han nikhualo em em ve? Chemtatrawta thawnthu ang maiin tuma'n mawhphurhna lak tum an awm lo niin a lang. Hetiang hi CAB/CAA tel miah lo pawha keimahni Mizo te ngeiin tuma puihna tel lova kan chinfel theih tur a ni. "Administrative reform" kan mamawhzia a tilanga a. Sawi tawh ang khan kan sorkar hnathawk te hi an tlaw takzet a, an "irresponsible" hle bawk a ni. CAG report berin a tarlan tawh te chuan sorkar hian cheng vaibelchhe 11 leh nuai 31 luan ralna hi chhui chiang se, a mawhphurtu awm zawng zawng te hi danin a phal chinah hremna pe vek se a tha ang. A nih loh chuan kan sorkar hnathawk te hian inthlahdah vang leh tlaw vang hrim hrim hian Mizoram mipui sum hi tul lovah an khawhral fo dawn tih a lang reng a ni.
Chemtatrawta thawnthu a ang kan tihna chhan chu a mawhphurtu department Power & Electricity lam hian Finance Department lamin sum an pek chhuah tlai vang an ti a. A tu hi nge tlaw zawka zahpuiawm zawk hriat a har hle. Hetiang hi private company ah thleng ta se department hotu lian te chu ban an nih loh pawhin demote an ni ngei ang.
Pu Zirmawia leh Pu Chhuanga te hi, he'ng department pahnih kan sawi hotu lian an ni a. Anni hian thil kal fellovah hian mawh an phur a nih loh chuan a mawhphurtute an zawnchhuaha, hetiang thil hi a thlen leh tawh ngai lohna tura hma an lak a tul takzet.
Tin, a tawpkhawkah chuan he'ng kan department hotute chunga awm Finance Minister leh Power & Electricity Minister te an la awm a. Anni hian an enkawl department hi an enkawl hneh lo hle tih a lang a ni. Mipui sum, hum theih reng, hetia an thuneihna hnuaia a luangral thei hi Mizoram mipui hmaa an insawifiah loh leh kan media ten insawfiah tura, ram danga journalist ten an nawr sek anga an nawr ve loh chuan chanchinthar thupuan vawikhata kan hriat hi a ral leh ringawt dawn a ni. Cheng vaibelchhe 11 leh nuai 31 khat luangral ringawt hi thil te tham lo tak a ni tih kan hriat a tha awm e.
CAG report in a sawi dan chuan Mizoram pawn atanga kawlphetha leina man pek tur hi chatlak awm lova pek tlak nghal zel tura ruahmanna siam tur a la ti ta deuh deuh a ni!
Maṭana Pachuau
No comments:
Post a Comment
COMMENT RAWH