MYC bul tum IAS Coaching Centre Central Service-a tling an awm lo Sorkar hna danga tling mi 22.
Mizoram Youth Commission (MYC) leh a thawhpuite'n Aizawla IAS Coaching Centre an dina lutte zingah IAS emaw, all India service leh central service danga inziak tling an awm lo a, chutih laiin, state service-a tling mi pathum leh sorkar hna danga lut mi 19 an awm thung.
Mizoram sorkarin MYC kaltlanga IAS Coaching Centre atana sum a senso zawng zawng chu Rs. 2,00,61,300 a ni a, kum 2019-a tihtawp a nih hmain mi 325 an lut hman a ni.
Vanglaini-in RTI Act hmanga MYC-in Mizorama IAS Coaching Centre a kalpui dan a zawhna, Labour, Employment, Skill Development and Enterpreneurship department (MYC nodal department) SPIO-in a chhan danin, Aizawla IAS Coaching Centre hi kum 2016-ah kalpui ṭan a ni a, May 2018-ah tihtawp a ni.
Coaching Centre hi Dinthar Primary School-I (sorkar sikul)-ah kalpui a nih thu leh room pawh pali siama luah a nih thu tarlan a ni a; MYC chu Alternative Learning System (ALS) Pvt. Ltd., New Delhi nen thawk dunin, ALS mithiamte'n VSAT satellite hmangin an zirtir ṭhin.
Coaching class-a lutte hlawhtlin zui dan SPIO-in a tarlan dan chuan, IAS-a inziak tling/hlawhtling an awm lo a, central service leh all India service danga inziak lut pawh an awm lo. Chutih rualin, Centre-a inzir zinga mi 22 chu sorkar hnaah an lut thung.
Centre-a lut zinga sorkar hnaa an luh dan chu - Mizoram Civil Service, Mizoram Police Service leh Mizoram Information Service-ah pakhat ṭheuh an tling a; sorkar hna dang (other various post tia dah)-ah mi 19 an tling bawk a, an luhna service/post erawh tarlan a ni lo.
MYC-in IAS Coaching Centre a kalpui ṭan tirha zir hmasa ber first batch-ah mi 60 an lut a, second batch-ah mi 87 leh third batch-ah mi 53 an lut. Aizawl Centre bika kal zawng zawng chu mi 200 an ni a, fourth batch-ah chuan Lungleiah centre siam a ni a, kal zirlai 100+25 an lut a ni. MYC IAS Coaching Centre batch palia lut zawng zawng chu zirlai 325 an ni a, chu'ng zinga mi 22 chu sorkar hnaah an luh laiin, mi dang 303 erawh chuan MYC-in an hriatpui chinah sorkar hna an hmuh phah lo thung.
IAS Coaching Centre kalpui a nih chhunga Mizoram sorkarin sum a sen zat chu Rs. 2,00,61,300 a ni. Bul ṭan kum, 2016-17 chhunga hman zat a tam zual a, Rs. 1,10,00,000 a ni a, a hnu lamah erawh chuan nuai 100 a tling lo vek a ni.
MYC IAS Coaching Centre chu Mizoram sorkarin kalpui nawn a tum leh tum loh leh, ruahmanna siam tawh chin zawhna chhangin SPIO chuan, "IAS Coaching Centre kalphung thar siam tuma hmalak mek a ni a, hemi atana committee-in ruahmanna thar a siam angin kalpui chhunzawm tum a ni," tiin a chhang.
MYC IAS Coaching Centre tana sum sen
#Kum Sum sen zat
1. 2016-17 Rs. 1,10,00,000
2. 2017-18 Rs. 30,50,000
3. 2018-19 Rs. 60,11,300
TOTAL Rs. 2,00,61,300
Mizoram Youth Commission (MYC) leh a thawhpuite'n Aizawla IAS Coaching Centre an dina lutte zingah IAS emaw, all India service leh central service danga inziak tling an awm lo a, chutih laiin, state service-a tling mi pathum leh sorkar hna danga lut mi 19 an awm thung.
Mizoram sorkarin MYC kaltlanga IAS Coaching Centre atana sum a senso zawng zawng chu Rs. 2,00,61,300 a ni a, kum 2019-a tihtawp a nih hmain mi 325 an lut hman a ni.
Vanglaini-in RTI Act hmanga MYC-in Mizorama IAS Coaching Centre a kalpui dan a zawhna, Labour, Employment, Skill Development and Enterpreneurship department (MYC nodal department) SPIO-in a chhan danin, Aizawla IAS Coaching Centre hi kum 2016-ah kalpui ṭan a ni a, May 2018-ah tihtawp a ni.
Coaching Centre hi Dinthar Primary School-I (sorkar sikul)-ah kalpui a nih thu leh room pawh pali siama luah a nih thu tarlan a ni a; MYC chu Alternative Learning System (ALS) Pvt. Ltd., New Delhi nen thawk dunin, ALS mithiamte'n VSAT satellite hmangin an zirtir ṭhin.
Coaching class-a lutte hlawhtlin zui dan SPIO-in a tarlan dan chuan, IAS-a inziak tling/hlawhtling an awm lo a, central service leh all India service danga inziak lut pawh an awm lo. Chutih rualin, Centre-a inzir zinga mi 22 chu sorkar hnaah an lut thung.
Centre-a lut zinga sorkar hnaa an luh dan chu - Mizoram Civil Service, Mizoram Police Service leh Mizoram Information Service-ah pakhat ṭheuh an tling a; sorkar hna dang (other various post tia dah)-ah mi 19 an tling bawk a, an luhna service/post erawh tarlan a ni lo.
MYC-in IAS Coaching Centre a kalpui ṭan tirha zir hmasa ber first batch-ah mi 60 an lut a, second batch-ah mi 87 leh third batch-ah mi 53 an lut. Aizawl Centre bika kal zawng zawng chu mi 200 an ni a, fourth batch-ah chuan Lungleiah centre siam a ni a, kal zirlai 100+25 an lut a ni. MYC IAS Coaching Centre batch palia lut zawng zawng chu zirlai 325 an ni a, chu'ng zinga mi 22 chu sorkar hnaah an luh laiin, mi dang 303 erawh chuan MYC-in an hriatpui chinah sorkar hna an hmuh phah lo thung.
IAS Coaching Centre kalpui a nih chhunga Mizoram sorkarin sum a sen zat chu Rs. 2,00,61,300 a ni. Bul ṭan kum, 2016-17 chhunga hman zat a tam zual a, Rs. 1,10,00,000 a ni a, a hnu lamah erawh chuan nuai 100 a tling lo vek a ni.
MYC IAS Coaching Centre chu Mizoram sorkarin kalpui nawn a tum leh tum loh leh, ruahmanna siam tawh chin zawhna chhangin SPIO chuan, "IAS Coaching Centre kalphung thar siam tuma hmalak mek a ni a, hemi atana committee-in ruahmanna thar a siam angin kalpui chhunzawm tum a ni," tiin a chhang.
MYC IAS Coaching Centre tana sum sen
#Kum Sum sen zat
1. 2016-17 Rs. 1,10,00,000
2. 2017-18 Rs. 30,50,000
3. 2018-19 Rs. 60,11,300
TOTAL Rs. 2,00,61,300
No comments:
Post a Comment
COMMENT RAWH