INDIA RAMIN CORRUPTION DONAAH HMA A SAWN THEI LO, 80NA A NI
Transparency International
January 24, 2020
Zirtawpni :
Transparency International-in kum 2019 chhunga Khawvel ram 180 ațanga corruption a fihlim a tehnaah India ram chuan point 41 hmuin 80na dinhmunah a awm. Kum 2009 khan 84na dinhmunah a awm a, heta țangin kum 10 chhung hian hma a sawn thui lo hle mai.
He tehna "Corruption Perception Index (CPI) hi Transparency International in kum tin a ti chhuak țhin a. He tehna a mark hmu sang ram apiang hi corruption a fihlim an nih laiin mark hmu tlem a piang hi corruption zalenna leh a hluarna a ni. Mark hmu sang ber New Zealand leh Denmark ram ten 87 an hmu a, pakhatna dinhmun an hauh laiin India ram hian mark 41 hmuin a laihawlah a awm thung.
Transparency International chuan Khawvel pumah corruption in thuk taka hmun a chan theihna ram chu "Eng ram pawh inthlan campaign laia sum hlawm lian zalen taka vir velna ram leh Sorkarin mi hausate leh mi tlem te, hnai taka a kuah khawmte thu chiah an ngaihthlak a, an beng khawnna ram hi a ni" a ti.
CORRUPTION KAWNGKA KHAR A HARSA
India ram hian nikum chhung khan corruption dona kawngah hma a sawn lo. He report in a tarlan dan chuan "Khawvel ram hmun thuma țhena hmun hnih corruption dona kawngah hian an hnung tawlh a, corruption kawngkhar an veng zo lo. India ram hi 80 naah awmin corruption kawng khar ven hneh a rama ngaih a ni lo. China, Benin, Ghana, Morocco te nen intluk in mark 41 an hmu tlang a ni.
INDIA LEH A ȚHENAWM TE
Ram score rank
India 41 80
China 41 80
Sri Lanka 38 93
Nepal 34 113
Pakistan 32 120
Myanmar 29 130
Bangladesh 26 146
POLITICS LEH SUM
Eng ram pawh political party ten sum leh pai an enkawl dan leh an che lek dan khuahkhirhna mumal tak nei ram chu he tehnaah hian mark 70 chung lam an hmuh tlangpui laiin political party te sum leh paia khuahkhirhna mumal nei lo, khirh lo leh țha lo taka enkawlna ramte chuan mark 30 bawr vel chauh an hmu thung.
India ram political party te sum hmuh dan leh sum leh pai an hman zui dan hi sawisel hlawh leh sawi kai tak a la ni reng. He report hian a sawi dan chuan "Democracy ram India leh Australia te angah pawh political party te hnena sum thawh dan (political financing) hi thianghlim lo leh lang tlang lo a ni, sumdawng lian leh mi hausa ten an thawh țawk țawk avangin corruption dona kawngah thu neitu tan harsatna a siam phah nasa hle a ni" a ti.
ELECTORAL BOND SCHEME
He report hian India Electoral Bond Scheme - political party ten ram chhung leh ram pawn Company an hming tarlan duh lo te hnen ațanga sum an dawn theih zat tur chin siam a, bituk sak rawtna chu hman anih hmain Election Commission of India in a hnawl chungchang pawh a sawi lang. Election thianghlim leh lang tlang zawk anih theihna turin NDA Sorkarin kum 2017 khan Electoral Bond Scheme neih hi a rawt a, opposition party ten nasa takin an sawiselin an dodal a, General Election hnuhnung berah BJP chu sum hmu tam ber an ni.
FIHLIM RAM TE
Mark 87 hmutu ram pahnih New Zealand leh Denmark ramte chu pakhatna an ni.
New Zealand 87
Denmark 87
Finland 86
Sweden 86
Singapore 85
FIHLIM LO RAM TE
Somalia 12
South Sudan 13
Syria 15
Yemen 15
HEI TE Bawk HI
1. He tehna hmang hian Mizoram bik (Christian Democratic Republic of Mizoram) hi teh ni ta se, India ram dinhmun hi kan phak ang em?
2. Transparency International in corruption a fihlim tur chuan inthlana sum leh pai che lek nasat loh a ngai a ti a, chu kawng chu Mizoram hian kan zawhin i hria em ?
3. Kristian kan nihna hi corruption donaah hian a takin a langin i hria em?
4. Corruption hi Mizoten "ka chauha kan huat thinlung taka kan huat loh" an tih fo hi a niin i hria em?
Source :
Times of India
January 24, 2020
@ 15:08 IST
transparency.org
==24==01==20==
Huna Kawlni Kawlvàwm
Transparency International
January 24, 2020
Zirtawpni :
Transparency International-in kum 2019 chhunga Khawvel ram 180 ațanga corruption a fihlim a tehnaah India ram chuan point 41 hmuin 80na dinhmunah a awm. Kum 2009 khan 84na dinhmunah a awm a, heta țangin kum 10 chhung hian hma a sawn thui lo hle mai.
He tehna "Corruption Perception Index (CPI) hi Transparency International in kum tin a ti chhuak țhin a. He tehna a mark hmu sang ram apiang hi corruption a fihlim an nih laiin mark hmu tlem a piang hi corruption zalenna leh a hluarna a ni. Mark hmu sang ber New Zealand leh Denmark ram ten 87 an hmu a, pakhatna dinhmun an hauh laiin India ram hian mark 41 hmuin a laihawlah a awm thung.
Transparency International chuan Khawvel pumah corruption in thuk taka hmun a chan theihna ram chu "Eng ram pawh inthlan campaign laia sum hlawm lian zalen taka vir velna ram leh Sorkarin mi hausate leh mi tlem te, hnai taka a kuah khawmte thu chiah an ngaihthlak a, an beng khawnna ram hi a ni" a ti.
CORRUPTION KAWNGKA KHAR A HARSA
India ram hian nikum chhung khan corruption dona kawngah hma a sawn lo. He report in a tarlan dan chuan "Khawvel ram hmun thuma țhena hmun hnih corruption dona kawngah hian an hnung tawlh a, corruption kawngkhar an veng zo lo. India ram hi 80 naah awmin corruption kawng khar ven hneh a rama ngaih a ni lo. China, Benin, Ghana, Morocco te nen intluk in mark 41 an hmu tlang a ni.
INDIA LEH A ȚHENAWM TE
Ram score rank
India 41 80
China 41 80
Sri Lanka 38 93
Nepal 34 113
Pakistan 32 120
Myanmar 29 130
Bangladesh 26 146
POLITICS LEH SUM
Eng ram pawh political party ten sum leh pai an enkawl dan leh an che lek dan khuahkhirhna mumal tak nei ram chu he tehnaah hian mark 70 chung lam an hmuh tlangpui laiin political party te sum leh paia khuahkhirhna mumal nei lo, khirh lo leh țha lo taka enkawlna ramte chuan mark 30 bawr vel chauh an hmu thung.
India ram political party te sum hmuh dan leh sum leh pai an hman zui dan hi sawisel hlawh leh sawi kai tak a la ni reng. He report hian a sawi dan chuan "Democracy ram India leh Australia te angah pawh political party te hnena sum thawh dan (political financing) hi thianghlim lo leh lang tlang lo a ni, sumdawng lian leh mi hausa ten an thawh țawk țawk avangin corruption dona kawngah thu neitu tan harsatna a siam phah nasa hle a ni" a ti.
ELECTORAL BOND SCHEME
He report hian India Electoral Bond Scheme - political party ten ram chhung leh ram pawn Company an hming tarlan duh lo te hnen ațanga sum an dawn theih zat tur chin siam a, bituk sak rawtna chu hman anih hmain Election Commission of India in a hnawl chungchang pawh a sawi lang. Election thianghlim leh lang tlang zawk anih theihna turin NDA Sorkarin kum 2017 khan Electoral Bond Scheme neih hi a rawt a, opposition party ten nasa takin an sawiselin an dodal a, General Election hnuhnung berah BJP chu sum hmu tam ber an ni.
FIHLIM RAM TE
Mark 87 hmutu ram pahnih New Zealand leh Denmark ramte chu pakhatna an ni.
New Zealand 87
Denmark 87
Finland 86
Sweden 86
Singapore 85
FIHLIM LO RAM TE
Somalia 12
South Sudan 13
Syria 15
Yemen 15
HEI TE Bawk HI
1. He tehna hmang hian Mizoram bik (Christian Democratic Republic of Mizoram) hi teh ni ta se, India ram dinhmun hi kan phak ang em?
2. Transparency International in corruption a fihlim tur chuan inthlana sum leh pai che lek nasat loh a ngai a ti a, chu kawng chu Mizoram hian kan zawhin i hria em ?
3. Kristian kan nihna hi corruption donaah hian a takin a langin i hria em?
4. Corruption hi Mizoten "ka chauha kan huat thinlung taka kan huat loh" an tih fo hi a niin i hria em?
Source :
Times of India
January 24, 2020
@ 15:08 IST
transparency.org
==24==01==20==
Huna Kawlni Kawlvàwm
No comments:
Post a Comment
COMMENT RAWH